Vawiin khan “Refresher Course for Assistant Project Officers and Assistant Engineers” training chu SIRD&PR Conference Hall, Durtlang Leitan-ah tan a ni a. Training hian May ni 24 atanga ni 26 thleng a awh ang. He training-ah hian Mizoram puma District Rural Development Agency hnuaia Assistant Project Officers (APOs) leh Assistant Engineers (AEs) 13 an rawn tel thei a ni.

Training naah hian thupui hrang hrang - Village Administration in Mizoram: Problem & Prospect te, Rural Development Scenario: Challenges te, Centrally sponsored schemes/projects/programmes hrang hrang – SAGY, VAGY, BADP, PMKSY (WD), MGNREGS, SRLM, NRuM, PMAY – G te leh Accounting Procedure te zirpui an ni anga, APO trainees te hian an mahni experience theuh te an share nghal bawk ang.