Vawiin khan SIRD&PR Auditorium, Durtlang Leitan-ah ni thum awh tur ‘Training on Social Defence Issues for Panchayati Raj Functionaries’ chu neih tan a ni a.  He training hi National Institute of Social Defence, Ministry of Social Justice & Empowerment leh State Institute of Rural Development & Panchayati Raj (SIRD), Mizoram tangkawpa buatsaih a ni. Training-ah hian BDO 6 leh LAD&PR atangin FI & AFI 13 an kal a, chuan training hi a hawng.

Training hawnna inkhawm Dr. Lalhruaitluangi Sailo, Core Faculty (Vety)/Course Cordinator kaihhruaiah training hawngtu SIRD&PR Director Pi Maria C.T. Zuali chuan thusawiin sawrkar hnathawkte chuan khawtlangin hma a sawn theih nana thawh tura beisei an ni a, khawtlanga ruihhlo hmansual chungchangah te, tar leh mi chhumchhia zawkte enkawlna kawngah te leh zirna kawngah te hmasawn theih nan hma lak tel a tul a ni, a ti. Tlawmngai pawlte nen khawtlang hmasawn nan thawhho thiam a, sawrkar hnathawh tibuai lova khawtlang hmasawnna tura hun tlem tal hmang turin kalkhawmte chu ngenin, khawtlang hmasawnna atana an hlawkpui ngei theih nan training hmang turin duhsakna a hlan.

Resource Persons - (1) Pi Vanlalhruaii, Facilitator, MSD &RB, Social Welfare Department, (2) Pi Zonunpari Sailo, Special Officer (N), Social Welfare Department, (3) Dr. Samuela Lalzarlawma Sailo, Superinten-dent, LiFCoDE Centre, Social Welfare Department, (4) Pu Z. Lalhmangaiha, Superintendent, Excise & Narcotics, Aizawl District ten training-ah thupui hrang hrang hmangin an zirtir ang a. He training-ah hian Social Defence, Age Old Care, Welfare of Parents & Senior Citizens Act 2007, Drug Abuse and Prevention, Role of NCB in reduction of Drugs te zirho a ni ang.

Training tel zawng zawngte chu LiFCoDE Home leh AGAPE Centre-ah Field Visit neihpui a ni bawk ang.