No.7123/2020-2021
Vawiin khan Planning & Programme Implementation Department leh State Institute of Rural Development & Panchayati Raj (SIRD&PR), Mizoram, Durtlang Leitan buatsaih in “Sensitization/Orientation of Village Level Development Plan (VLDP) for Village Development Committee (VDC) of Selected Villages” chu video conference kaltlanga neih a ni a. He hun hi Dr. C. Vanlalramsanga, Commissioner & Secretary, Planning & Programme Implementation Department, Govt. of Mizoram chuan Online Video Conference kaltlangin a hawng a ni.
Sensitization/Orientation of Village Level Development Plan (VLDP) hawngtu Dr. C. Vanlalramsanga, Commissioner & Secretary, Planning & Programme Implementation Department chuan Village Level Development Programme chu hmalakna thar a ni tih a sawi a. Hripuileng avanga hmalak maitheih a ni lo chungin Orientation/Sensitization Programme SIRD&PR-in an buatsaih thei chu lawmawm hle a ni a ti. He Programme hian a tum ber chu Tualchhung mi te ngeiin an mamawh leh an khawtlang hmasawnna tur atan ruahmanna siam a. He ruahmanna tihlawhtling tura inlungrual tak a, an khua leh a chhehvel a hman tangkai theih te dap a, hmasawnna hnathawh nana an hmantheih nan te leh sawrkar scheme te hlawk taka an thawh theih nan ruahman a nih thu a sawi a ni. Khawtlangin enge a mamawh tih hriat a pawimawh thu te, thil tumah chiang hmasain a ti hlawhtling tura inbuatsaihna that te leh intuaihriam a tul thin thu te pawh a sawi bawk a ni.
He hun hi Pu Lalhmunsanga Hnamte, Director, SIRD&PR, Mizoram chuan a kaihruai a. Village Level Development Programme hnuaiah hian khaw 6 – Sailam, Aizawl District; Chawngtlai, Khawzawl District; Lungdai, Kolasib District; Sekhum, Lunglei District; Ailawng, Mamit District leh Leng, Serchhip District te thlanchhuah an ni.
Planning &Programme Implementation Department kaihhruaina hnuaiah heng khaw thlachhuahah te hian Department hrang hrang te nen tangkawpin ei leh bar a hmasawn leh intodelhna turin ruahmanna (plan) ni 19th – 21st January, 2021 chhunga siam turin ruahmanna siam a ni.
