Vawiin khan SIRD&PR buatsaihin RGSA scheme hnuaia VC member-te tan ni thum (1st – 3rd  August 2017) awh tur ‘Training on Sustainable Development Goals (SDG) for Elected Village Council Members’ chu SIRD&PR Conference Hall-II, Durtlang Leitanah neih tan a ni a. He training hi Darlawn R.D Block huamchhunga VC-te tana buatsaih a ni a, VC member 37 an rawn tel thei a ni.

He training-ah hian VC member-te chu Sustainable Development Goals (Hmasawnna tluantling nei tura thil tumte) zirtir an ni ang. SDGs thiltum hrang hrang - retheihna um bo, riltamna tihtawp, hriselna ngaih pawimawh, mitin tan zirna siamsak, mipa leh hmeichhia intluktlanna, mitin tan tui thianghlim awm tir, mitin tana modern energy pek vek, ei leh bar thawhchhuah lam tihhmasawn, hmasawnna ruhrel tha siam, intluktlanlohna tihkiam, mihring chenna khuate hmun him taka siam, leilung leh boruak tichhe lo zawnga hman dan leh sik leh sa danglamin a nghawng leh chumi hmachhawn dan turte zirtir an ni ang. 

Training hi Khawlsiamthanga Khawlhring, Sr. Core Faculty (Eco) leh Dr. Margaret Lalbiakthangi, Sr. Core Faculty (R.D) ten an neihpui a ni