Vawiin chawhma khan Vety Complex, Farm Veng Lunglei ah Lunglei khaw chhung a vawk vulh thlang tu chhungkaw 553 te hnen ah NLUP 3rd & 4th Phase damdawi leh hmanraw lei nan Rs 3378 theuh Khuallian Pu S.Laldingliana, Vice Chairman, High Powered Committee in a sem.

NLUP sem na inkhawm hi Dr.Vanlalbuanga, DVO, Lunglei in kaihruai in Pu S.Laldingliana chuan mi harsa leh rethei ten lei rem an rah ve theih nan Sawrkar in ruahmanna tha tak NLUP hmang in tanpuina a sem a, chhungkua heti zat  in NLUP tanpuina an  dawng thei hi a lawmpui a, India ram state hrang hrang ah chuan kut hnathawktute an hlamchhiah a, Mizoram ah erawh chuan a thlawn in sum an sem a,  Chuvangin, NLUP tanpuina dawng tute chu lawmna chang hre turin a chah a ni. NLUP ah hian Sawrkar hnathawk ten miharsa te dinchhuah na turin an finna leh thiamna hmangin hna an thawk a ni a ti. Taihmakna, tih tak tak na nen a dawng a hlawhtlin pui a, tu leh fa te din chhuah theih na tura hmang theuh tur in a chah a ni.

Pu Zathangliana, Dist. Co-Ordinator, NLUP, Lunglei pawh in fuihna thu sawi in Sawrkar in mi harsa te tan a ruahmanna NLUP a siam a, lang tlang  tak in kal pui ni in, heng ruahmanna te hi a tak tak a hmang a hlawhchham lo tur a tan lak a ngaih thu a sawi.