Social Welfare Minister Dr K Beichhua chuan vawiin khan Central YMA hruaitute chu a pisa a lengah sawmin ruihhlo vanga Mizoramin harsatna hrang hrang a tawh mek laka inven dan turte an sawiho.

Social Welfare Minister Dr Beichhua leh CYMA hruaitute chuan Mizo thalai ruihhlo laka la himte venhim kawnga hmalak zel dan turte an sawiho a, ruihhlo ngaite enkawlna tur "Outreach Drop-in Centre" hmun hrang hranga hawn tur chungchanga thawhho dan turte sawiho a ni bawk.

Ruihhlo leh a kaihhnawih chungchanga YMA branch hrang hrangte nena ni khat awh training buatsaih an rel nghal bawk a, Mizoram hmun hrang hranga YMA member 625 thlanchhuah te chu Master Trainers atana buatsaih tum niin, kumin March thla ral hmaa training pek tum an ni.

Social Welfare Minister hi Secretary Zoramthangi Hauhnar, Joint Director A Vanlalzawni leh Mizoram Social Defence & Rehabilitation Board hruaituten an tawiawm a ni.