1755/2023-2024

Dated Serchhip, the 5th September, 2023: Vawiiin khan Social Welfare Minister Er. Lalrinawma chuan Khumtung Post Matric Union te buatsaih Zirtirtute Ni 2023 lawmna Khumtung Community Hall a neih chu khuallian niin a hmanpui.

Minister Er. Lalrinawma chuan khawvelin mi zahawm an tih Zirtirtute puala ni bikah zirlai leh zirtirtu kalkhawmte chu chibai bukin khawtlang leh ram leh hnam tan inpek tharna ni atan hmang theuh turin a sawm. Minister chuan kan ram nghahfak zirlaite zirtirna kawnga thawktu Zirtirtute chu fakawm a ti a. Zirlai te chu ram leh hnam hmangaihna zirtir tam a tul tih sawiin mithiam leh thil tithei tak tak te pawhin ram leh hnam hmangaihna an neih loh chuan hmasawnna tithuanawp tu kan ni thei tih hriat a tul hle a ni, a ti. Mahni mihringpuite hlutna hre chiang a, chenho pui thiam nih a tul thusawiin Minister chuan kan thil tih thin tam tak te hi mahni chanah indah thiam a, kan mawhphurhna leh tihtur kan hriat chian a, theihtawp chhuaha kan mawhphurna hlen theuh a tul thu kalkhawmte hmaah a sawi a. Kan tawngkam leh chetzia hian midangte hnenah thui takin thu a sawi thin, a ti.

Er.Lalrinawma chuan ruihhlo thatloh zia sawiin Mizo thalaite leh zirlaite run mek tu ruihhlo do kawngah mi tinin mawhphurna kan nei, a ti a. “Tun dinhmunah in chhungkua a luhchilh lo a nih pawhin engtikah emaw chuan he ruihhlo hian a la luh chilh ve thei che u a ni tih hriain, a do kawngah theihtawp chhuahin i tang tlang ang u” tiin kalkhawm te a sawm a ni.

Vawiin Programme ah hian Khumtung khaw chhunga School hrang hrang zirtirtute leh  VCP Pu Lalhrechianga bakah MUP, MHIP, YMA aiawh ten thu an sawi a ni.