Dt.16.1.2016 (Inrinni) khan Hausiamapa Hall Haulawngah Social Welfare Minister Pu P.C Lalthanliana'n Industries hnuaia NLUP Beneficiaries chhungkaw 33 te hnenah 3rd & 4th phase final installment Cheng nuai 3.6 bakah Agriculture hnuaia Beneficiaries chhungkaw 58 hnenah cheng nuai 20.72 a sem.

NLUP semna inkhawm Haulawng VCP Pu Tialthanga kaihhruaiah Minister Pu P.C Lalthanliana chuan thu sawiin, sawrkarin Kuthnathawktute a hmangaihna avangin chawlh pawh sawilo in NLUP sem hna hi thawh a ni a, NLUP hmalakna-ah midangte entawn tlak Lunglei North bial atanga an awm chu lawmawm a tih thu a sawi. Bial changkang ni tur chuan kan rilru a changkan angai a, tuna kan sawrkar hian hmasawnna lamah theihtawpin hma a la a, Lungmawi to Haulawng via Pangzawl kawng pawh laihzawh a ni tawh tih Minister chuan sawiin, kawng tha leh changtlung zawk buatsaih mek a ni a ti. Kuthnathawktu tena an tharchhuah man man zawka an hralhchhuah theih nan kawngpui tha zawk siam zel tum a ni tiin, NLUP hi a hlu a tumah thlei bik neilo a pek a ni Pu Mathana chuan a ti. NLUP ah sawrkarin sum harsatna a neilo a, kan sum dawn te hi a hmanna tur diktakah rinawm leh taima takin hmang ila, ram pawn lam atanga thlai lakluh ngailo a keimahni tharchhuah ngei hmanga intodelh turin tan la ila, ro tling ni turin theihtawp chhhuah ila kan intodelh chuan sum ah harsatna kan neilo anga, sum hmanga kan rinawmna hralh angai lo ang a ti. Kawlphetha, Buhfai leh thildang te sawrkarin a man tlawmin sum chawibelh chungin mipui hnenah a sem a, hei hi sawrkarin mirethei te lam a hawi vang a ni Pu Mathana chuan a ti bawk.

NLUP semna inkhawm Haulawngah neihah hian Pu Zathangliana Dist NLUP Co-ordinator bakah Pi Lalrodingi DIC Gen.Manager Lunglei leh Dist Agriculture lama mithiam ten thusawina hun an hmang bawk.