3400/2024-2025

Aizawl the 6th December, 2024 : Vawiin chawhnu  khan Social Welfare Minister Pi Lalrinpuii chuan Eklavya Model Residential School hrang hrang tana HDFC Bank in an CSR fund atanga Smart Classroom an siam chu SAD Conference Hall-ah a hawng.  

Pi Lalrinpuii chuan 'Education hi kalphung thar (change) thlen theitu lian ber" a nih thu sawiin, in HDFC hotu ten Zirna tha ngai pawimawh a, CSR hmanga  an rawn che chhuak chu lawmawm a tih thu a sawi.

Tun dinhmunah hian Mizoram pum ah Eklavya Model Residential School EMRS) hi 11-ah kalpui mek a a ni a. Heng school 11 zinga hmun 4 - Ngopa, Chawngte, Tuipang leh Lawngtlaiah te Smart Classroom hi dah a ni tawh a.  Smart classroom pakhatah hian Digital TV,  thutthleng & Dawhkan te a set in an pe a, smart classroom 1 atan hian Cheng nuai 6.5 vel zel an sengin, a vaiin Rs nuai 25 vel sen a ni thin.

He hun hi Pi Lalzarmawii Commissioner & Secretary, Social Welfare Department in a kaihruai a. Dr Lalhriatzuali Ralte, Director, Social Welfare & Tribal Affairs Department te, Pu John Varte, Cluster Head, HDFC, Pu Kaushik Sharma, Zonal Head, Northeast Region, HDFC Bank te pawhin thu tawi sawina hun an nei a ni.