Vawiin khan Social Welfare Minister Pu P.C Lalthanliana chuan Tourist Lodge, Chaltlang-ah Social Welfare Department hnuaia Officers zawng zawngte Meeting cum Workshop a hmanpui. Minister chuan Social Welfare Department kalzelna turin Meeting cum Workshop hi bul tanna thar niturin duhsakna a hlan a. Central scheme hrang hranga hnathawk te zarah Department hian hmingthatna a nei a ni, a ti a. Officers te hnenah chuan an chanvo hneh taka an mawhphurhna anlak thin a vangin lawmthu a sawi bawk a, midangte tanpui zel tu ni turin a fuih a ni.

Meeting cum Workshop hi Pi Laldikkimi, Director in a kaihruaia, scheme hrang hrang Integrated Child Development Services, Integrated Child Protection Scheme, Persons with Disability, State Resource Centre for Women, One Step Centre, Universal Women Helpline, Old Age Home, Residential Institute and Training Centre, Article 275(1) chungchang leh adangte zirhona leh sawihona te neih a ni.