Vawiin khan Social Welfare Minister Dr K.Beichhua chuan Sinner's Friend Rescue Centre, Sihphir-ah F.Lawmkima leh Jimmy F.Lalnunzira Memorial Hall a hawng.

F.Lawmkima leh Jimmy F.Lalnunzira Memorial Hall hi cheng nuai 15 vel a sak a ni a, cheng nuai 8 hi Pu F.Lawmkima nupui Pi Malsawmi'n a pek niin, a chhung bungrua khum, dawhkan, thuthleng lei nan Social Welfare Department chuan cheng nuai 4 an pe bawk a, Sinner's Friend Team te cheng nuai 3 an thawh bawk a ni. Memorial Hall hi chhawng hnih niin, dining hall, fellowship hall leh inthiarna te siam a ni.

Sinner's Friend Rescue Centre, Sihphir hi Pu K.Lianthanga din a ni a, Kum 1983 khan Upa Laltana'n ram biga 150 a zau a pe a, Kum 1984 atangin team member 30 nen mumal takin camping kan kalpui tan a, Kum 1989, March thla atangin ruihtheih thil a harsatna neite hun rei deuha enkawlna tan a ni bawk a ni.

Minister hi Social Rehabilitation Vice Chairman Pu Liantlinga leh midangte'n an tawiawm a ni.