2262/2026-2027

Dated Aizawl, the 19 September 2026: Vawiin khan Social Welfare, Women & Child Development department changtu Minister leh bialtu MLA ni bawk Pi Lalrinpuii chuan a office chamber, MINECO-ah, 20th AHF Women's Junior Asia Cup 2026, 4th-13th September chhunga China-a neih tuma Champion team a tel Lunglei nula, F. Lalbiaksiami chu lawmpuina thilpek citation leh pawisa fai a hlan.

Lawmpuinaah hian Minister chuan thusawiin, hmeichhiate chawikanna kawnga Mizoramin achievement ropui tak Hockey player-te kaltlanga a nei leh ta chu lawmawm a tih thu a sawi a. Ram pum aiawh team zinga Mizo hmeichhiate ngei hming a lang fo chu thil ropui tak a nih thu leh a phena anmahni enkawltute thawhrimna pawh chhuanawm tak a nih thute sawiin, Minister chuan Mizote chu kan kal tawhna vekah chuan sang tak thleng thei kan nihzia chu thalaite zingah inzirtir uar a tul hle tih a sawi a. Tun tuma chawimawi tak F. Lalbiaksiami chu a thalaipuite tan entawn tlaka nun hmang chho zel tur leh sang thei ang ber thleng khawpa theihtawp chhuah turin a fuih bawk.

Nula F. Lalbiaksiami hi Mizoram Hockey Association leh Sawrkar Department hotute bakah a coach-te, chhungkhat laina leh amah duhsaktu ten an tawiawm a. Naktuk 19 September, 2026 hian an khua Lunglei a pan dawn a ni.