Vawiin (Dt.05.08.2016) chawhma dar 10:30 khanSchoolEducationDirectorateConferenceHall-ahMizoramSchoolHostel Infrastructure, Facilities and General Care of Students (Management) Rules 2016 chu Aizawl khawpui huamchhunga Hostel neitute hrilhfiah an ni.

Hostel Rules hi Pu K. Lalthawmmawia Director, School Education Department-in Power Presentation hmangin a hrilhfiah a, Hostel Rules hi Council of Minister-in Dt.29.03.2016 ah pawmpuiin Govt. Gazette-ah chhuah a ni a, Hostel Rules hi Dt. 01.06.2016 atanga hman tan a ni. He Rules hian Class I atanga Class XII, School naupang 10 nei chin Hostel a huam a, hetah hian Hostel mal din leh School behchhan te an tel a, College zirlaite erawh chu a huam lo. 

Rules ang chuan Hostel neiturinDecember, 2016 ral hmain Hostel Managing Committee an din a ngai a, Managing Committee chu Hostel enkawlnaa mawhphurtu tur leh Hostel vilzuitu tur an ni. Hostel-a awm zirlaite Medical Record leh Academic Record te bakah an Moral leh Spiritual Guidance te pawh record tur a ni.

Director, School Education Department atanga Permission leh Recognition nei lote tan Hostel din phal a ni tawh lo va, Hostel lo din tawh sate chuan Permission leh Recognition te chu DEO kaltlangin Director-ah dil tur a ni a, kum 2 chhungin danin a phut te zawm tura beisei an ni. Permission an dil hnuah  Provisional Recognition pek an ni ang a, kum 2 hnuah recognition chu pek leh an ni ang. Recognised Hostel te chu kum 2 hnuah an renew zel ang a, Recognised Hostel list chu Directorate-in a tichhuak thin ang.

Hostel chu chhiatna leh vanduaina thlen theih maina hmun, leimin hlauhawm, boruak bawlhhlawh leh lirthei tawtna hmunahte din loh tur a ni.

Hostel ahte hian Study Room te, Dining Room te, Recreation Room te, Bathroom  leh Toilet tha tak leh Dormitory tha takte a awm a ngai a, Kawngpui atang panna tha tak a neih a ngaih bakah Mizoram chhunga mite chauhin an din thei dawn a, Hostel leh School a inhlat chuan naupangin School an pannaah Hostel neituten an hruai a ngai a ni.

Director, School Education-in Monitoring team a din ang a, anni hian Hostel Permission leh Recognition neite hi  tlawhin an endik thin dawn a ni. Hostel Rules te hi School Education Department Website www.schooleducation.mizoram.gov.in ah download theih a ni.

Vawiin  Hostel Rules inhrilhriatna inkhawm, Pu K. Lalrintluanga, Addl. Director, School Education Department kaihhruaiah hian Hostel nei 80 chuang an kalkhawm a,  chung zingah chuan Kohhran din Hostel te, School mal Hostel te, School mal behchhan lem lo te, Girls hostel te leh Boys hostel neitute an kal a ni.