226/2025-2026

Dated Hnahthial, the 19th April, 2025: A bial chhunga cham mek South Tuipui bialtu MLA, Pu Jeje Lalpekhlua chuan vawiin chawhma khan Hnahthial atanga Tuichang panna kawng, Nghavarh link road, MLA Fund hmanga laih chu a hmunah a hawng a. Hawnna hunah hian High Powered Committee Vice Chairman, Pu V. Malsawmtluanga, MLA bakah khawtlang hruaitute leh he kawng chhawrtu tur kut hnathawktute an tel a ni.

Pu Jeje Lalpekhlua chuan Mizoram sorkar-in kuthnathawka eizawngte a ngaihpawimawh thu sawiin, Nghavarh link road chu Tuichang lui behchhana kut hnathawka eizawngten thlai thar chhuah awlsam zawka an lak chhuah theihna atan a tangkai tur thu a sawi a, Tuichang Tiau leh Balu la thinte tan a tangkai hle dawn tih a sawi bawk. Pu Jeje Lalpekhlua chuan MLA a nih chhungin khawtlang mipuite tana tangkai tur, Agriculture link road a tam thei ang ber laih a tum thu sawiin, bial chhung mipuite chu an hmalakna apiang thlawp tlat turin a sawm a ni.

He hun hmanpuitu, HPC Vice Chairman, Pu V.  Malsawmtluanga, MLA pawhin tukin zingah Mat lei dawh mek en ho tura an lo kal thu sawiin, Nghavarh link road hawnna hun chu an rawn telpui thei hlauh tih a sawi a. A bial chhungah agriculture link road an laih nual tawh thu sawiin, kuthnathawktute chu an ngaihpawimawh ber thu a sawi bawk.