Kolasib SP Pu C Lalzahngoa chuan nimin khan a office-ah Kolasib khawchhung a YMA branch hrang hrang aiawh te kawmin Krismas laia boruak muanawm tak a awm theih nan an tawiawmna a ngen a, duty te thingpui lum nan Chini 3Kg leh Thingpuife ½ Kg theuh a pe.

SP chuan Kolasib District ah Police chuan Krismas leh Kumthar chhungin ngawrh taka an duty tur thusawiin YMA branch te chu theihtawp chhuah a Krismas laia duty turin a ngen a, mipui tana buaina leh harsatna lian a awm chuan Police te hrilh vat zel thin turin a ngen.

SP chuan Diakkawn-ah Prison Van dah a nih tur thu sawiin veng dangah pawh a tlan kual tho tur thu a sawi a. SP hmalakna in Diakkawn a Shopping Centre kawtah Fire Tender (motor) chu tunkar Nilaini atang khan din tir tawh a ni bawk.