Lunglei khawpui chhungah lirthei alo pung chakin mipui leh ke a kal te an pung bawk a, kawngpui a zau tawk bawk si lo a, mipui vantlang  kan lo him zawk theih nan, nguntaka ngaihtuah a nih hnuin kei, a hnuaia hming  sign tu hian Goverment of Mizoram Notification No. B. 12012/10/04 TRP Dt.25.09.2007 leh Section 115/116 of Motor Vehicle Act, 1988 (Act. No. 59 of 1988) in thuneihna min pek angin vantlang leh lirthei chevel tana that tlan zawkna nih beisei in a enchhin nan a hnuaia sawi Hmun / Kawng te hi One Way Traffic atan thupek ka chhuah e.       

    1. Super market / Sobji Bazar kawng a kal tur lirthei eng chi pawh Agriculture Office peng atangin an kal ang a, SP Office bulah an chhuak ang.  SP Office bul atang hian lirthei eng chi mah Super Market/ Sobji Bazar lam panin tlan phal a ni lo ang.        

         Bazar ni (Market Day ) Thawhlehni, Ningani, leh Inrinni bikah hian lirthei eng chi pawh zing Dar 6:00Am - 10:00Am  inkar chhung hian tlan phal a ni lo, Bazar ni ( Market Day) lo ah chuan One way ruahman angin tlan tur a ni a, Super market / Sobji Bazar tual zawlah park phal a ni lova, dropping chauh phal a ni.                                         

  2. Treasury Office a kal tur lirthei eng chi pawh Police Station kawmchhak kawngpui atangin an kal ang a, Printing and Stationary Office bul pengah an chhuak ang. Rahsiveng lam atanga Hmar lam pan tur te pawh Treasury Office kawngah an kal ang.         

    He lirthei tlan dan thar tura ruahman hi Dt.17.10.2019  atanga hman tan tur a ni ang. He lirthei tlan dan tur enchhin anih chhung hian ngaihdan/duhdan/rawtna Superintendent Of Police, Lunglei hnenah ziakin thlen theih a ni ang.