PWD Aizawl Road North Sub Division - II, Aizawl ten ni 4.2.2018 Zing dar 9:30 atanga Tlai dar 4:00 inkar hian Chanmari, Hrangbana College bul atangin Chanmari kawn, Traffic Point via Axis Bank kawng siamthat hna an thawh dawn avangin S.P Traffic Aizawl chuan hnathawh a nih hun chhung hian helai kawngah hian mihring leh lirthei eng chi mah kal/tlan phal a ni lo tih thupek a chhuah. 

Tin, ni 5.2.2018 atanga 15.2.2018, 9:30AM - 4:00PM inkar ah Chanmari (BOC Junction) atanga Chaltlang, Sericulture Directorate Office bul thleng kawng siamthat hna an thawh chhunzawm dawn avangin helai kawngah hian lirthei intlanchhawk tir angaih dawn avangin lirthei khalhtute fimkhur tur leh hnathawkte ngaichang chunga lirthei khalh turin hriattirna a chhuah bawk. 

He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. 

He thupek hi a tul dan a zirin Traffic Police ten an ti danglam thei ang.