PWD, Aizawl Road South Division te chuan ni 30 November, 2016 atanga 5 December, 2016 inkar chhung hian Pi Pangi Peng, Venghlui kawngpui chu siamthat hna an thawh dawn avangin Pi Pangi peng kaltlang in lirthei eng chi mah Republic veng lam pan leh Sikulpuikawn lam pan in a tlan tlang theih dawn lova, lirthei (LMV chin hnuailam) khalhtute leh mipuite tana remchan zawkna turin a hnuaia tarlan ang hian lirthei tlan dan tur ruahmanna thar siam a ni.

1. Chhuk zawng in :-

(a) Treasury Square atanga tlan in Pi Pangi peng thlenhma Venghlui Presbyterian Biak In panna kawngah tlanin Bethlehem Vengchhak leh College veng lamah a tlan theih ang.

(b) Sikulpuikawn atangin Rinna Kohhran Biak In bul a peng thla in Khurpui Road to. Republic (Kawipui) ah a kal theih ang. Helai kawngah hian chho zawngin lirthei eng chi mah tlan phal a nilo.

2. Chho zawng in :-

(a) College Veng atangin Republic Vety mual (Rev. Lalthanga Road) ah tlanchho in Venghlui Biak In bula chhuak in Dak Inpui bulah a chhuah chhoh theih ang.

(b) Republic Biak In thlang (Zohmaa Road) a tlan in Venghlui Biak In bula chhuak in Dak Inpui bulah an chhuak chho thei ang.

(c) Two Wheeler bik tan chauh, Holy Heart School bul atangin Upper Republic Biak In bulah chho in Sikulpuikawn leh Raj Bhavan panna kawngah an tlan thei ang.

(d) Bethlehem Vengchhak atangin Dak Inpui lam panin lirthei eng chi mah tlan chhoh phal a nilo.

Heng a chunga tarlan lirthei tlan dan tur ruahmanna thar siam te hi helai kawngpui siam anih chhung chuan zawm theuh turin lirthei khalhtu leh hmangtu mipuite kan in ngen in kan in hriattir a ni.

Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.

He thupek hian ni 30.11.2016 atanga ni 5.12.2016 thleng a huam a. Amaherawhchu hriat-lawk loh rokhawlhna alo awm palh anih chuan pawhsei theih a ni ang.