Superintendent of Police, Traffic, Aizawl chuan mipui vantlang awlsam zawk nan Temple to Vaivakawn Road siam tur chungchangah a hnuaia mi ang hian Mipuite Hriattirna a siam :

1). Temple to Dinthar Peng (Temple to Vaivakawn Road) chu ni 1.12.2019 (Pathianni) zing dar 9:30 atanga tlai dar 4:30 chhung hian PWD, Aizawl Road South Division ten kawng siamthat hna an thawh dawn avangin helai kawnga lirthei tlan turte chu a tul dan angin Block a ngai dawn a, Lirthei che vel pawh a khaihlak zeuh zeuh dawn a, chuvangin a hmuna Traffic Police Duty te thu ngaichanga zawm theuh tura ngen a ni. Hemi ni hian Temple leh Vaivakawn inkar kawnga lirthei kal (chhuk lam leh chho lam) tur ten he thupek hi hriaa lohtheihloh thilah lo chuan lirthei hmanga helai kawngpuia tlan lo tura ngen a ni.

2). Kawng siamthat chhung hian Temple to Dinthar peng inkarah lirthei engmah kawngpui sirah dah/park phal a ni lo.

He thupek hian chhiatrupna thil, kangmei leh emergency kaihhnawih duty, dan leh thupek pawimawh bika Police leh Magistrate duty te chetvelna a huam lo ang.