Assembly Speaker Pu R.Romawia chuan vawiin khan a bial chhunga Selesih khua leh Durtlang North te a tlawh a. Khawtlang hruaitute kawmin an bial chhung mamawh leh harsatna an lo thlente a ngaihthlak sak a ni.
Selesih-a vantlang inkhawm, YMA Public Hall-a neihah Pu Romawia chuan thu sawiin Selesih leh a chhehvelah zirna hmunpui pawimawh tak tak sorkar-in a lo dah te chu Mizoram pum tan chhenfakawm a ni, a ti a. Heng lai hmuna mimal in ram zau tak tak an lo nei chuan sorkar tan hma zauhna tur a ti bahlah thei erawh chu pawi a tih thu a sawi.Ram hmasawnna ruhrel nghet din tur leh ei leh bara ram intodelhna tura sorkar hmalak tum dan tlangpui te tarlangin Pu Romawia chuan a bial chhung hmun hrang hrang, Durtlang -a Soil department hmun te, Zuangtui ram te, Bawngkawn Brigade leh Sericulture department hmun te chu hman tangkai dan tur sorkar-in a ngaihtuah mek tih a sawi a. Rorelna dik leh fel a awm theih nan Zoram mipui zawng zawngte chu ramhruaitute tana tawngtai thin turin a ngen tih a sawi bawk.
Selesih-a vantlang inkhawm hi Selesih VCP H.Lalruatkima’n a kaihruai a. Tlawmngai pawl leh pawl hrang hrang hruaitu ten Selesih khawtlang mamawh an thlen leh zawhna an neihte chu Speaker leh amah tawiawmtu sorkar official ten chhangin an hrilhfiah a. Speaker chuan Selesih khaw mipuite chu an khaw hmasawnna tura lungrual taka thawk tur leh Selesih chu khaw awhawm taka siam turin a chah a ni.
Speaker hian Durtlang North pawh vawiin chuan a tlawh nghal a. Tun kar chhung hian a bial pumpui a tlawh chhuak ang.
Selesih-a vantlang inkhawm hi Selesih VCP H.Lalruatkima’n a kaihruai a. Tlawmngai pawl leh pawl hrang hrang hruaitu ten Selesih khawtlang mamawh an thlen leh zawhna an neihte chu Speaker leh amah tawiawmtu sorkar official ten chhangin an hrilhfiah a. Speaker chuan Selesih khaw mipuite chu an khaw hmasawnna tura lungrual taka thawk tur leh Selesih chu khaw awhawm taka siam turin a chah a ni.
Speaker hian Durtlang North pawh vawiin chuan a tlawh nghal a. Tun kar chhung hian a bial pumpui a tlawh chhuak ang.
