Pu R Romawia, Speaker, Mizoram Legislative Assembly chuan vawiin khan Pu Hausanga Hauzel ziah ‘ Ka Hmangaih Mizoram’ a tlangzarh. Lehkhabu tlangzarh inkhawm hi Salvation Army Conference Hall, Dinthar ah neih a ni, Pu Ramhmangaiha Ralte, Principal, Govt.J.Thankima College in a kaihruai.
Pu Romawia chuan a lehkhabu tlangzarh chu lehkhabu tha tak anih thusawiin inzirtirna hawi zawng article emawzat a awm thu a sawi a. He lehkhabu hian thil tum tha tak a neih avangin a chhiartuten an hlawkpui ngei a rinthu a sawi bawk. Speaker chuan lehkhabu ziah hian mizo literature a tih hmasawn bakah zohnahthlak inunauna a ti zual thin a ni, a ti.
‘Ka Hmangaih Mizoram’ lehkhabu ah hian article, essay leh hla hrang hrang lawrkhawm dah a ni.
He inkhawm ah hian Pu Hausanga Hauzel ziah ‘Hla Thu Hman Dan’ pawh Pu Vanneihtluanga’n a tlangzarh a; he lehkhabu hi hla thu inhrilfiahna bu a ni.
