Vawiin tlai khan Mizoram Legislative Assembly Speaker Pu Hiphei chuan a bial ( Palak Bial) fang zovin Saiha a lut leh ta. Pu Hiphei hian ni 8/12/2014 zing khan a bial fang turin Saiha a chhuah san a, ni 6 chhung a bial a fan hnuin dam takin saiha-ah a let leh ta a ni. Thawhtan ni 15/12/2014 zing khian Aizawl panin Saiha a chhuahsan ang. Speaker bial fang hi Saiha District-a Department 12 a official ten an tawiawm a ni.

Pu Hiphei bial fang hian a bial chhunga sawrkar hmalakna hrang hrang leh Centrally Sponsored Scheme (CSS) hnuaia hmalakna hrang hrangte hmunah tlawhin a en hlawm a. A bial mipuite chu sawrkarin ram hmasawnna tura a hmalak reng rengah tawiawm tlat zel turin a chah a. Official te pawh an awmna hmun a piangah ram hmangaihna thinglung nen taima taka hnathawk a, ram leh khawtlang tan chhenfakawm rotling thil hnutchhiah theuh tum turin a chah a ni.

Assembly Speaker Pu Hiphei hian a bial fanna-ah Horticulture department hnuaia NLUP beneficiaries chhungkaw 81 hnenah NLUP tanpuina a sem nghal a ni.