836/2023-2024

Mumbai 17th June, 2023 : National Legislators Conference hmanga Mumbaia cham mek Mizoram Assembly Speaker Pu Lalrinliana Sailo chuan vawiin khan Mumbai Mizoram House  a tlawh a.

Mizoram House ah hian Pu H.Lalruatliana Dy.Resident Commisioner-in Speaker hi lo dawngsawngin damlo te nena inkawmna hun a lo buatsaih a.

Pu Lalrinliana chuan kum 2005 ah Mumbai Mizoram House  hawn a lo ni tawh chu hruaitu hmasa ten theihtawp an lo chhuah vang a ni, tiin ram tana an thahnemngaihna chu chhuanawm a tih thu a sawi a. Mizoramah cancer vei an tam avangin Health Minister a nih laiin cancer vanga thihna tihniam turin theihtawp chhuah a nih thu leh hemi atan cancer tamna ram Japanah Mizo Surgeon 2 tirh an ni tih a sawi a. An lo haw hnuah cancer phaia thawn pawh nasa takin a tlahniam a ni, a ti a.Cancer enkawlna kawngah natna hmuh chhuah hma a pawimawhin hemi atana early detection drive kalpui tura hmalakna chu beisei angin a hlawhtlin loh avanga pawi a tih thu pawh a tarlang a ni.

Pu Rinliana chuan Mumbai Mizoram House hnathawkte chu damlote tana an inpekna leh Mumbaia Mizo awm ten harsatna an tawh changa an buaipui țhin danah fakawm a ti a. Milian mite thliar lova damlo te an hmasak dan indawta accomodation pek an ni țhinte chu țha a tiin mite tana malsawmna lo ni zel turin a chah a. Damlo te tan a țul țula  hman atan Damlo Welfare Committee hruaitute hnenah Rs.30000 a hlan a. Țawngtaina hun a hmang nghal bawk a ni.

Dy.Resident Commussioner Pu Lalruatliana pawhin thu sawiin Speaker in House a tlawh avangin lawmthu a sawi a. Mumbai Mizoram House dinhmun leh, accomodation indaihlohna avanga harsatna an neihte, helai buildinga cheng ve hnamdang te leh Mizote inkara harsatna neih țhinte Speaker hnenah hian a lo thlen a ni.

Speaker hi a nupui Pi Lalthangpuii leh MLA 2, Pu Nihar Kanti Chakma leh Pu B.D.Chakma te bakah official ten an tawiawm a. Vawiin chawhnu hian National Legislators Conference a thematic planary session pakhat ah Special Guest niin hun a hmang chhunzawm dawn a ni.

MLA Pu Nihar Kanti Chakma leh Pu B.D.Chakma ten an  tawiawm a ani.