Mizoram khawthlang lam hmasawnna tura a bika siam Project chungchangah vawiin khan DC Conference Hall, Kolasib-ah meeting neih a ni a. Meeting hi Pu H.Lalengmawia, DC Kolasib-in a kaihruai a, Pu K.Lalrinthanga, Parliamentary Secretary Serlui bialtu MLA ni bawk leh Pu PC Zoram Sangliana, Chairman MIFCO Kolasib bialtu MLA ni bawk hova neih a ni.

Mizoram Sorkar a Home Department in DoNER-ah ‘Special Development Project for Western Belt of Mizoram’ atan Rs.33vbc a dil chu District pathum - Lunglei, Kolasib leh Mamit- te’n a an insem tur a tih a ni a. Kolasib District tan Rs.4.5vbc dah niin, hemi hmanga hmasawnna hrang hrang thawh dan tur leh department hrang hrangin a an hna khawih turte vawiin meeeting-ah hian sawi ho a ni.

He project hnuaia hmasawnna hna thawk tur department te chu - PWD, PHE, P&E leh Rural Development Department te an ni a. Meeting-ah hian Kolasib District chhunga khaw hrang hrangte mamawh sawi ho niin, kawng, eng, hriselna, Anganwadi centre, school building sak leh thawm that dan turte sawiho a ni.