Electoral Roll Special Drive, 2017 neih tur chungchangah vawiin chawhma dar 11 : 00 khan Aizawl District chhunga Booth Level Officer-te tan Venghlui Central Hall, Aizawl ah training neih a ni.
He training hi Pu Lalfakzuala, Election Officer, Aizawl District in a pe a. Electoral Roll Special Drive, 2017 in a tum ber chu roll a lut thei la lut lote roll a an luh vek theih nana November 15 - 30,2017 chhungin BLO-ten an polling station area ah theuh house visit nei a, hmalak anih tur thu in hrilhhriat a ni. Drive chhungin tha taka hmalak anih theih nan BLO te chu an mawhphurhna tur leh an hmalak dan tur in tinah an neih dan tur leh data an lak khawm dan turte, hun tiam chhunga zawh hman a tul thu hrilh an ni bawk.
He training-ah hian BLO Net/Mobile phone application hmanga data an lakkhawm dan tur tlangpui in zirtirna neih a ni a, chhung tinte leh chhungkaw member tinte chanchin an lakkhawm dan turte chipchiar taka Polling Station leh Post Office lak dan turte leh tul dangte hrilhfiahna hun hman a ni bawk.
