710/2026-2027

Dated : Mamit the 26th of May, 2026 : Vawiin khan DC Conference Hall, Mamit -ah kan hmalawka Special Intensive Revision (SIR) kalpuina tura roll dik leh felfai tak kan neihna tura hmalakna atan 3-Mamit A/C huam chhunga Supervisors, Booth Level Officers, Addl. Booth Level Officers te tana training neih chu Pi Carolyn LB.Khiangte, Addl. District Election Officer chuan a hawng a. Training hi Zawlnuam, Kawrthah, Phaileng leh Reiek ah te vawiin vek hian kalpui a ni bawk.

Pi Carolyn LB. Khiangte chuan inthlanna felfai leh thianghlim neihna atana pawimawh hmasa ber Rolls felfai leh dik neihna tura Special Intensive Revision kalpuina turah a taka che chhuak turte Supervisors, BLO leh Addl. BLO te chu tha taka training nei turin a chah a, Election Commission of India chuan Rolls dik a ngaih pawimawh avangin SIR buaipuina atan pawh mi dik leh hmantlak a duh thu sawiin, hahdam tak leh felfai tak sia hnathawh theih a nih thu leh he revision buaipuina atana tha thawhtute chu kan rilru leh ngaihtuahna tibuai thei tur thil kan insiam tur a nilo a ti a, hriatthiam loh kan neih leh zawh duh kan neihah mithiam zawkte rawn hrehlo turin a chah bawk. 

Pu Lalnunfela Chawngthu, Election Officer/ State Master Trainer chuan kum 2005 hnua Special Intensive Revision kalpuina atan chipchiar takin zirtirna a pe a, SIR kalpuina tura mamawh hrang hrangte hlanna a nei nghal bawk.

 Vawiin-a Mamit District chhung Block hrang hranga training kalpuina, Zawlnuam, Kawrthah, W. Phaileng leh Reiek-ah te hian State Master trainer te'n zirtirna hi an kalpui a ni.