Special Summary Revision of Electoral Rolls, 2018 neih tur chungchang ngaihtuahin vawiin chawhma dar 11:00 khan District Level Standing Committee chu DC Conference Hall, Aizawl-ah an thukhawm.
He meeting hi Dr. A. Muthamma, IAS, District Election Officer/ Deputy Commissioner in a kaihruai a, kan hma lawka Electoral Rolls Special Summary Revision neih tur chungchang inhrilh hriatna neih a ni a. Systematic Voters’ Education and Electoral Participation (SVEEP) Drive hnuaiah tha taka hmalak a nih avangin Aizawl District-a Electoral Rolls-te chu a felfai lehzual niin meeting chuan a hria a, lawmthu a sawi a ni. Online system-in NVSP.in atangin roll a inthun dilna thehluh theih anih thu leh heihi mipuiten hmang tangkai se a duh thu a sawi bawk.
Electoral Roll Draft publication hi ni 15.09.2017-ah tihchhuah tum a ni a, roll a luh dil duh tan 15.09.2017 to 13.10.2017 chhungin dilna thehluh theih a ni ang.
Kan hmaa Electoral Rolls Revision lo awm turah hian Political Parties, tlawmngai pawlte leh Official-te tha taka thawhho nise tiin meeting chuan lungrual takin an rel a ni.
