State Chief Commissioner of Mizoram Bharat Scouts & Guides, Mr.Zothanmawia, Rev. Dr. C. L. Hminga, Vice President, Mizoram State Bharat Scout & Guides, Mr. B. Chhuanliana, State Commissioner (Scout), Miss Lalbiakliani, Guide Captain, Mr.Thankhuma, State Secretary, Mizoram Bharat Scouts & Guides leh mi pawimawh lo tel zawng zawng te.

He mawhphurhna sang tak min pek avang leh in mi duhsakna ka hmuh avang hian Mizoram Bharat Scouts & Guides chungah thinglung tak in ka lawm  a. Ka naupan lai, Kum 1950 chho bawr vela Boy Scout ka nih hun lai te pawh min hriatchhuah tir leh a lung te  pawh a ti leng ve hle a ni. Khang hung hlu tak ka lo hman tak te khan keimah ah tumruhna, tawrhchhelna, mawhphurhna chungchang leh thilchik duhna rilru te min pe in puitling ah min chherchhuak ni in ka hria a. Harsatna tam tak tawk ve bawk mah ila Boy Scout a ka thil zir te khan tawrhchhelna leh hmatiam thlen tumruhna nasa tak min pek a vang in tun hun hi ka lo thleng ta a ni.

Kan hriat theuh angina he pawl ropui tak, khawvel pum huap a pawl lian hi kum 1907 khan England chhim lama awm Brownsea thliarkar ah Sap pachal, Kumpinu sipai a Lt.General hial pawh lo ni chho ta Pu Robert Baden Powell in a din a nih kha. A hnu rei vak lo, kum 1909 ah Indiaramah pawh Sap hovin Bishop Cotton Boys’ School, Bangaloreah din a ni ve nghal a. Ka lawman ber erawh chu he pawl, Rev. F.J.Raper-a’n kum 1932 a Serkawn, Lunglei a lo din, hian tun thleng in Mizoram ah hmasawn lam a pan zel leh rahbi thar a rap zel hi a ni a. Mizo naupang leh thalai te nunphung leh khawsak dan nasa takin a ti hmasawn tih ka hriat hian ka lawm em em a ni.

Scout and Guide inenkawlna dan ah hian tunlai thalai  leh naupangte mamawh nundan mawi leh tha zawng zawng a kim vek a . Thil tawn leh hriatna atanga zirchhuah thiamna hi a nghet bik a, kawngdang hmangakan thiam thil dang te anglo takin a tlo bik vangin damchhung a daih thin a ni. He hun hi remchangah la in NCC, Scouts & Guides a tel tur hian Mizo thalai leh naupang hmabak eng tak nei mek te hi ka sawm a. He pawl a an lo tel phawt chuan anmahni tan hlawhtlinna nasa tak a awm dawn bakah Mizoram tan hmasawnna a ni dawn a ni. He pawla inhmang Mizo naupang leh thalai zawng zawng te hi khua leh tui tha anih bakah mi hlawhtling an la nih ngei ka ring tlat a ni.

In Patron ka nihna anga Commissioner leh Captaing zawng zawng te ka beiseina che u chu in thupui ber atana in hman “Khua leh tui tha” tih hlawhtlin hi a ni a. A rahchhuah te chu in naupang enkawlna ah te lang se tih hi ka duhthusam a ni. Nangmahni atang hian naupang te hian ruihlo laka inven dan thiam se, tunlai computer age hmasawnna ken tel sualna leh hunkhawhralna hrang lak atanga tal chhuahdan te zir chhuak se la. Mihring puitlinna kawnga thiam tur tha zawng zawng zir vek bawk rawh se. Hmasawnna atana thawktu pawimawh tak inni tih hre reng chungin Mizoram chhunga thalai pawl hrang hrang nena thawhhona tha inneih angai a, NCC nen phei chuan thawhdun dan ngaihtuah rawh u.

He pawl tana hmachhawp inneih hrang hrang te min hriattir thin tur leh in harsatna te ka hnen thlen thin tur che u in ka chah duh che u a. In Patron ka nihna piah lamah Governor ka nihna anga ka tih theih te tihsak che u ka inhuam reng e. In pawl hmasawnna ka beisei a, hmalam pan zelturinduhsakna sangber ka hlan a che u.

Ka lawm e.

Jai Mizoram. Jai Hind.

God Speed and Good Luck.