Thian duhtakte u,

Vawiin India ramin zalenna a hmuh vawi 78-naah hian kan zalênna champha lâwm tûra helai hmuna lo kalkhâwmte leh Lawngtlai District mipui zawng zawngte zahna chibai bûkin, duhsakna sang ber ka hlân a che u.

India ramin zalênna kan neihna tûrin mi tam takin an nunna hlu tak an hlan a, an finna, thiamna leh theihna zawng zawngte hlanin, an that lai hunte tân inahte an hmang a. Thangtharte hian zalênna sualtute inpumpêknate, mahni hmasial lova an beihna zawng zawngte  zah ila; vawiin hun hi anmahni avânga  thleng thei kan ni tih i hre thar leh ang u.

India ramin zalênna a hmuh theihnâna thisen leh thlantui tam tak nêna lo beitu tam tak zîngah, India Hnam Pa  Mahatma Gandhi te, Subhas Chandra Bose te leh Pasaltha dang tam tak te Zahna Chibai ka bûk a; ram leh hnam tâna an inpumpêkna leh hmangaihna thinlung chhuanawm tak kha i entawn leh theuh ang u.

Zalênna hi hmasâwnna rahbi pawimawh tak a ni a, he zalenna hian mawhphurna a keng tel ani tih kan hriat ka duh a, kan ram Democracy lungphum veng him tur te, kan sakhaw zalenna venghim tur leh thil dang tam tak a khua leh tui tha kan nih theihna tur atan a, kan mawhphurhna hlen chhuah tum theuh ang u. British sawrkâr awpna atanga kan chhuah hnu chuan India ram chuan chak takin hmasâwnna a kalpui a. Mizoram sawrkâr pawhin kawng hrang hrangin hmasâwnna tûr hna tam tak a thawk mêk zêl a ni. Hetiang kârah hian Lawngtlai District-ah pawh sawrkârin hmasâwnna a kalpui mêk zêl a ni tih ka sawi duh a ni.

Lawngtlai District-ah Autonomous District Council pahnih awmin, District Administration nên pheikhai rual takin an thawk ho zêl a. Lai Autonomous District Council (LADC) hnuaia hmasâwnna hna thawh hrang hrang zîngah Agriculture Department, LADC chuan  Financial Assistance to Rice Cultivator kaltlangin lo neitu (farmer) -150 hnenah cheng 10,000/- theuh pe in a vain cheng nuai 15 sem a ni a. KMMTTP Road- a khaw thlan bik 10-a Farmer- 116 te hnehah Balhla chi (Cavedish) sem niin, cheng nuai 15 sen a ni a, rannung leh hnim thahna hlo chu a mammawhtute henah a thlawna pek chhuah thin a ni bawk.  Horticulture Department, LADC ten ‘Financial Assistance to Horticulturist’ hnuaiah mi-50 hnenah cheng 10,000/- pe in,  RKVY kaltlangin fu huan neitu mi- 50 hnenah cheng 20,000/- theuh pek a ni bawk a. Lawngtlai district chhunga thingtlang kawng tihhmasawnna turin PWD,LADC ten chak taka hma rengin, Tuichawng-Zochachhuah-Parva kawng 4 km a thui chu 800 m laih zawh tawh niin,cheng nuai 10 sen tawh a ni a;  kawng laih hi tun financial year chhung a chhunzawm leh tur niin, cheng nuai 10 dah belh a ni bawk. PWD,LADC  ten Divisional Office Complex -7 ah Solar Street Light bun hna thawk mekin, Divisional Office Complex -5 ah bun fel tawh niin,a dangah pawh bun fel thuai a ni dawn a ni.

Wagess of Old Pension- hnuaiah kum 60-79 hnenah tlatin cheng 250/- pek niin mi- 1200 hnenah pek a ni a, kum 80 leh a chunglam hnenah thlatin cheng 550/- pek nibawkin mi -125 hnenah pek niin, a zavaiin mi-1325 hnenah ‘Old Age Pension’ hi pek a ni. Financial Assistance to Poor Fund 2023-2024- kaltlangin mi rethei tanpui ngaite hnenah  cheng nuai 15 semchhuah niin ‘Financial Assistance to Widow 2023-2024’ ah pasal sunte hnenah cheng nuai 4 semchhuah tawh a ni bawk. LADC huamchhunga NGO-Young Lai Association (YLA), Lai Women Association  (LWA) , Mizo Hmeichhe Insuihkhawm Pawl (MHIP), Mizoram Upa Pawl (MUP), Bawm Student Association  leh Pang Student Association-te hnenah budget 2023-2024 atangin tanpuina pek a ni a. Department of Social Welfare, LADC, kal tlangin LADC huamchhunga hmeichhia tanpui ngai zualte henah tanpuina pek thin niin, Motherless Baby Home-ah tanpuina hi pek thin a ni bawk.

Health & Family Welfare Department-ten Lawngtlai District-in hrisêlna kawnga hma a sawn theih nân hma lâkna pêng hrang hrang an kalpui reng  a. H&FW Department hi thuang hnih lianpui – Health Services leh Hospital & Medical Education-ah te then a ni a. Lawngtlai District-ah pawh Chief Medical Officer (CMO) leh District Medical Superintendent (DMS) chu establishment hrana awmin, CMO hian health programme chi hrang hrang bakah, CHC, PHC leh Sub-Centre, etc. a enkawl a, DMS chuan District Hospital a enkawl ve thung a ni.

CMO hnuaiah hian National Health Mission (NHM) kal tlangin kawng hrang hranga hrisêlna kaihhnawihah chak takin hma lâk mêk a ni a. Reproductive and Child Health Programme (RCH) chhinchhiah danin Kum 2023, April atanga July,2024 chhung khan naupiang -529 awmin damdawiina nau nei -370 an awm a, Fully Immunized Children-416 an awm. National Tobacco Control Programme (NTCP) hnuaiah Awareness/training vawi-4, Anti-Tobacco Squad Drive vawi-11 leh IEC Campaign vawi-4 neih a ni a, Rahtriya Bal Swasthya Karyakram (School Health) programme hnuiah Angwadi naupang (0-6 years) -6312 leh School naupang (6-18 years) -9059 hriselna endik niin, Rastriya Kishore Swasthya Karyakram –Adolescent Friendly Health Clinic vawi-6 neih a ni. Integrated Disease Surveillance Programme (IDSP) hnuaiah Scrup Typhus test -1199 atangin case-192 hmuh niin,Typhoid test-1323 atangin Case-306 hmuh a ni. National TB Elimination Programme (NTEP) hnuaiah TB hrik en mi- 157 awmin, TB Case notified-31, MDR TB Caes identified-2 awm bawkin, TB natna vei enkawl dam -81 an awm tawh. Mizoram State AIDS Control Society (MSACS) hmalaknain mipa-406 leh hmeichhia-166 te thisen endik niin HIV kai mipa-30 leh hmeichhia-13 hmuhchhuah niin,raipuar 337 thisen test zingah pakhat in HIV hrik a kai thung. Ayushman Bharat Pradhan Mantri Jan Arogya Yojana (AB PMJAY) hnuaiah April, 2020 atanga June,2024 chhungin Ayushman Card siam tur target-70,659 awmin, Ayushman Card- 48,877 siam tawh a ni bawk.

Health worker training-na, ANM (Auxiliary Nursing Midwifery) School Lawngtlai chu kum 2017 atang khân kalpui tan niin, kum hnih course niin, kum tin zirlai 20 an la thei a. Mizoram huap, Mizoram Nursing Council Exam-ah an din tirh atangin a ti tha ber pâwl an ni thîn a; MNC Exam 2022-2023 result chhuakah  pawh khan za ah za (100%) an pass a. First Year bikah 1^st rank,3^rd rank,7^th rank leh 8^th rank hauhin Second Year ah 3^rd rank,4^th rank,6^th rank leh 10^th rank an hauh thei a ni.

Dan leh thupek kenkawh kawngah 3^rd IR Battalion, Thingkah ten theih tawp an chhuah thin a. Lok Sabha intlanpui 2024 khan Lawngtlai leh Siah District-ah Election duty in mi -142 tirh an ni a, State pawn- Punjab, Madhya Pradesh leh Delhi ah mi-79 duty in an kal bawk. LADC hnuaia Village Council inthlanpui leh By-election-ah khan mi-89 ten duty hna an thawk a ni.Tun dinhmunah Battalion Roll Call ground leh Main Gate -te siam zawh tawh niin, Parade Ground leh Firing Range chei that hna chu zawh tawh a ni bawk.

School Education Department, Lawngtlai District chuan zirna lama District hmasâwn nân hma an la reng a. Samagra Shiksha hnuaiah school building -6, leh Teachers’quarter-6 sak tawh niin, DIET Lawngtlai building horizontal extension leh DIET Hostel chhawng thum (3)-a sâng sak hna thawh mêk niin, zawh fel tep tawh a ni. Lawngtlai khawpui pawn lam atanga lehkha zir te tan a thlawna awmna tur “Residential leh Girls’ hostel” siam a ni a. Mid- DayMeal (PM Poshan) Scheme chu School-417 ah kalpui mek niin, sawrkar hnuaia ‘Elementary School’ zawng zawng hnenah a thlawnin uniform leh zirlaibu pek an ni bawk. Lawngtlai District chhunga Primary atanga Higher Secondary School zawng zawngah ‘Youth & Eco Club’din vek tawh a ni a, Youth &Eco Club’ te hian thingphun,environment humhalh leh faina lamah nasa takin hma an la thin a ni. Secondary leh Higher Secondary School-ah Instructor pek vek niin ‘Vocational Education Courses’ hrang hrang zirtir thin an ni a. Samagra Shiksha hnuaiah Information & Communication Technology (ICT) School-23 hawn niin, PM Shree School-1 hawn a ni bawk. DIET, Lawngtlaiah kum 2024-2025 atan batch-2 kalpui mek niin,trainee-94 an awm mek a; mi-120 len theihna tur ‘Multi-Purpose Hall’ sak zawh tawh niin, Hostel pawh peih fel tep tawh a ni bawk.

Government  Lawngtlai College-a zirlaite leh zirtirtute tan ni 8, July, 2024 khan NEP 2020- zirchianna hun buatsaih a ni a, Zirna hmasawnna turin  khuai khawi (bee keeping ) leh Vawk vulh dan (Pig farming)  syllabus chu Skill Enhancement Courses hnuaiah siam thar a ni bawk. NYK nen tangkawpin ‘District Level Neighbourhood Parliament’ huaihawtin, World Consumer Rights Day- chu Lawngtlai District Consumer Union -te nen kumin March ni 15 khan buatsaih a ni. National Service Scheme (NSS) chuan kumtin a thlawna  thisen pek (Voluntary Blood Donation Camp) buatsah thinin, nikum khan thisen unit-97 Lawngtlai Blood Bank ah an pe a. Mizoram leh khawvel huapa ni pawimawh hrang hrang pualin NSS chuan khawtlang hmasawnna tura hnathawh an nei thin a ni.

District Rural Development Agency (DRDA) hnuaiah Mahatma Gandhi National Rural Employment Guarantee Act (MGNREGA) hi kum 2006 atang khân Lawngtlai District-ah hian kalpui tan a ni a. Kum 2023-24 chhûng khân job card-37,094 awmin, mipuite hnênah ni 100 inhlawhna pêk a ni a, hna hrang hrang 2650 thawh niin Rs. 81,90,62,000 (vaibelchhe sawmriat pakhat nuai sawmkua singruk sanghnih) hmanral a ni. Kum 2024-25 sawrkâr kum kal mêkah job card -37,987 awmin, mipuite tân inhlawhna ni 38 siamsak tawh niin, hna 1,134 thawh tawh a ni a, Rs.10,70,22,300 (vaibelchhe sawm nuai sawm sarih singhnih sanghnih zathum) hmanral a ni tawh bawk. Pradhan Mantri Awaas Yojana - Gramin (PMAY-G) hnuaiah thingtlâng mi chênna in nei lote tân, in sak tanpuin pêk thin a ni a. Kum 2023-24 chhungin  Lawngtlai District-a chhungkaw 1629 te hnênah in sak tanpuina hi  pêk leh tûra ruahman niin, mi 438 ten 1^st installment an dawng tawh a ni. Pradhan Mantri Krishi Sinchayee Yojana 2.0 (PMKSY 2.0) hnuaiah project pathum kalpui mek niin, heng project-te hi DRDO, Lawngtlai, BDO Sangau RD Block leh BDO Bungtlang ‘S’ RD Block-ten an enkawl a ni. PMKSY 2.0 ah hian  Soil and Moisture Conservation hnuaiah Bench Terrace siamte, Horticulture Department hnuaia thlai chi sem bakah sangha dil siam leh tui lakna tur siam hnate thawh a ni a. Lo neitute piah lamah eizawnna mumal nei lo leh bultanna neilo te tan Self Help Group (SHG) leh mimal ang zawnga tanpuina pek thin niin; kumin July thla thleng khan cheng nuai 659 hman ral tawh a ni. Lawngtlai District-a  Mizoram State Rural Livelihood Mission (MzSRLM) a awm hnuin, Self Help Group (SHG) -1,679 din tawh a ni a, DDU-GKY hnuaiah thalai hna nei lote eizawnna siamsak nân kutthemthiam thil zirtîr niin, training chhuak mi-73 an awm tawh a ni. 

Lawngtlai RD Block hnuaiah khua (village)-44 awmin,Job Card -13,706 a awm mek a. September,2023 atanga March,2024 chhung khan ni-67 inhlawhna siam niin, Aril-July,2024 thleng khan ni-38 mipui inhlawhna siam a ni.PMAY-G 2021-2022 ah target-338 dawn niin,1^st instament pek chhuah tan a ni a, 2023-2024 atan target-158 dawn niin, registration leh technical sanction tihfel vek tawh a ni a; Financial sanction dawn hunah 1^st intalment hi pek chhuah a ni ang. Mizoram State Rural Livelihood Mission (MzSRLM) hnuaiah Self Help Group (SHG)-305, Village Organization (VO)-33 awmin, Cluster Level Federations (CLF) -3 din tawh a ni bawk. 

District Industries Centre (DIC) chuan sumdawnna lama tui mite tân kawng hrang hranga tanpuina ngaihtuahsakin, Lawngtlai College Venga Industrial Area (DIC ramah) entrepreneur -19 te chu eizawnna an kalpui theihna tûrin ram luahtîr an ni a. DIC leh KVIB hnuaiah January,2023 – July,2024 chhûng hian beneficiary 15 hnênah PMEGP (Prime Minister Employment Generation Programme) loan cheng nuai 65 chu bank kal tlangin pêk chhuah a ni.

Agriculture Department hma lâknain buhbâl hlâwk zâwka thar chhuah a nih theih nân kut hna thawktute kawng hrang hranga puih leh kaihhruai an ni a. National Food Security Mission (NFSM) hnuaiah Oil Palm chin runpui kalpui mek niin ‘Mega Oil Palm Plantation Drive’ chu July ni 3,2024 khan Dr. Lorrain Lalpekliana Chinzah, Lawngtlai  East bialtu MLA chuan a lo hawng tawh nghe nghe a ni. Oil Palm chingtute puala training neih thin niin, Oil Palm tiak -57970 leh leitha bag-450 sem chhuah a ni tawh bawk. Rain-fed Area Development (RAD) kaltlangin HDPE pipe metre-4000 pek chhuah niin, Livestock, Horticulture leh Fishery hmanga eizawngtu mi-42 hnenah tanpuina cheng 25,000 theuh pek an ni. Pradhan Mantri Krishi Sinchayee Yojana (PMKSY) scheme kaltlangin tui pump khawl-14 leh Solar lifting devices-4 kuthnathawktute hnenah pek niin, tui dahkhawlna (water harvesting structures) chu kut hnathawktu mi-38 te tan siamsak tawh a ni bawk.

Kut hna thawktute’n tûnlai thiamna an chhawr theihna tûra training pea kawng kawhhmuhtu Krishi Vigyan Kendra (KVK) Lawngtlai District hnuaiah kumin July thleng khan  training vawi-26, frontline demonstration-145 leh Extension Activities vawi-620 buatsaih a ni a. Kut hna thawktu 2,650 hnenah text message-840 thawn chhuakin, mobile advisory pek a ni bawk a. Cluster Frontline Demonstration (CFLD) hnuaiah vaimim (HQPM 5 variety) S.Lungpher leh Ngengpui kaiah enchhin mek niin, National Food Security (NFSM) hnuaiah Groundnut (Girnar 4 variety) chu a  chi siam chhuak tura enchhin mek a ni bawk.

Fisheries Department, Lawngtlai District-chuan  kum 2022-2024 chhungin Sangha khawitu mi- 19 hnenah KCC Loan a pe tawh a. Pradhan Mantri Matsya Sampada Yojana (PMMSY-CSS) hnuaiah Sangha note tihkeuhna tur Chawngteluiah siam mek niin, hman theih a siam zawh tep tawh a ni. ‘Bio-floc’ Ngengpuikaiah siam niin hman theih a peihfel tawh a ni a, Raceway hi Chamdur ‘P’ ah siam mek niin hman theih tura peihfel tep tawh ani bawk. Sangha phurhna tur bik Motor (Insulated Vehicle) hi Lawngtlai district chhunga mi pakhat hnenah pek tawh niin, hman theih a peihfel tep tawh ani . Sangha dil thar siamna mi -80 hnenah pek chhuah tawh niin hna pawh zawh fel tawh a ni a; Sangha note enkawlna tur dil thar siamna mi-19 hnenah pek tawh nibawkin hnathawh hi endik mek a ni. Sangha khawitute hnenah a chaw man tlawm zawk (subsidized rate) in - 348 qntls. pek chhuah tawh niin,Sangha leh ran/thlai khawipawlhna hi mi-25 hneha pek fel a nia; Sangha chi-5,25,000 chu Lawngtlai District chhunga RD Block pathum-Lawngtlai, Sangauleh Bungtlang ‘S’ huam chhunga sangha khawitute  hnenah  pek chhhuah a ni bawk.

Horticulture Department hnuaiah kum 2023-2024 chhûngin Thingfanghma huan-40 leh M.Orange huan-40 siam thar a ni a. Rashtriya Krishi Vikas Yojana(RKVY) hnuaiah tui dahkhawlna (Water Tank) 18 siam niin, RKVY-PDMC hnuaiah chhungkaw 28 chu Micro-drip irrigation system leh Sprinkler irrigation system vuahsak an ni bawk. Horticulture Mechanization Scheme hnuaiah Knapsack srayer-110, Garden Tools-35, Brush Cutter-20 leh Watering Can-50 man tlawm zawk (subsidized rate) a hralh chhuah a ni.

Animal Husbandry & Veterinary Department hmalaknain National Livestock Mission programme hnuaiah African Swine Fever (ASF) chungchang inzirtirna –Bungtlang ‘S’, Sangau, Bualpui NG, Thingkah leh Lawngtlaiah te neih a ni a. Kum 2023, April atanga July, 2024 chhung khan Ran-14003 enkawl niin, Ran-2852 hnenah Vaccine pek a ni. Animal Registration Fee leh Artui, Bawnghnute leh thil dang atangin  Rs. 355847/- hmuh tawh a ni. Nationwide Artificial Insemination Programme (NAIP), Information Network on Animal Productivity & Health (INAPH) leh Artificial Insemination Work in Cattle -chu kalpui mek niin, hmalakna leh hlawhtlinna hrang hrang chu nitin Prime Minister Office-ah thawn thin a ni.

Sericulture Department hnuaiah Lawngtlai District-ah Project pahnih- ‘Development of Rural Lai Autonomous District Council through Ericulture in Mizoram’ leh ‘Development of Rural Chakma Autonomous District Council through Mulberry Sericulture in Mizoram’ kalpui mek a ni a. Development of Rural Lai Autonomous District Council through  Ericulture in Mizoram, project hnuaiah hian kum 2023-2024 chhungin khaw pakua atangin tanpuina dawng tur  mi-120 thlan niin, Eri silk pangang ‘Kesseru’  khawina tur thing –Caster leh Tapioca pek tawh niin, pangang khawi dan tur- theory leh practical inzirtirna kalpui tawh ni bawkin ‘Rearing House’ pawh sak tawh a ni. Tun dinhmunah Cocoon-62.28 kg tharchhuah niin Cocoon tam zawk thar tura hmalak mek zel a ni. Development of Rural Chakma Autonomous District Council through Mulberry Sericulture in Mizoram, project kaltlangin kum 2023-2024 chhungin khaw pali  atangin tanpuina dawng tur  mi-100 thlan an ni a. Mulberry Silkworm chaw tur ‘Mulberry plant’ chu beneficiary farmers-te hnenah pek tawh niin, theory leh practical atan training neih tawh ni bawkin, Cocoon hi hun reilote chunga thar theih tura beisei a ni.

Chhimtuipui Wildlife Division chuan protected area pahnih – Phawngpui National Park (50 sq.km) leh Ngengpui Wildlife Sanctuary (110 sq.km) te enkawlin, kângmei chhuak tûr leh dân lova thil tih laka vênhim hna an thawk reng a, ramsate tân ngaw awm sa humhalh a nih bâkah, thing rah nei chi phun belh thin a ni bawk a. Kum 2023 April atanga kum 2024 March  thla thlengin Entry fee, Rest House Room rent leh Compounding fee, etc. atangin Rs. 59,800/- hmuh a ni a. Kum 2023-2024 chhûngin CSS-IDWH Scheme hnuaiah thalaite eizawnna siamsak nân Park leh Sanctuary vêng tûr ‘anti-poaching squad’ atan  mi-35 chhawr an ni a. kum 2023 April atanga kum 2024, March chhungin dan lo a thingzai 514.80 cubic feet man niin, fire arms -7  man a ni bawk. CAMPA 2023-2024 hnuaiah Bungtlang Zero point atanga Darnamtlang inkar kawngpui km-10 a thuaih thingphun a ni a. Ni 8, August 2024, khan Sai in thlam leh huan a tihchhiat bakah Savawm in a hliamte hnenah Compensation Rs. 3,88,470 pek a ni.

Public Health Engineering (PHE) Department hma lâkna, Jal Jeevan Mission (JJM) hnuaiah thingtlâng in tina tui tap connection pêkna tûr Functional Household Tap Connection (FHTC) kalpui mêkah chhûngkaw-25966  chu tap connection vuah sak vek ni tawhin, Lawngtlai District chu 100% coverage a ni tawh a ni. NABARD atanga Rs. nuai 900 sênga thawh tûr Chawngte Rural Pumping Scheme chu 1^st installment (450 lakhs) leh 2^nd installment (450 lakhs) hmuh  niin, hna chak taka thawh mek a ni a, hmanraw mamawh tûr (material) –pipe leh pumping machine pawh lâk khâwm (procure) fel tawh a ni. He Scheme hi kumin September thlaa zawh fel tura tih a ni a; zawhfel a nih chuan mipui 25,196 te tui hniahnar takin a pe thei dawn a ni. Swachh Bharat Mission (Gramin) hma lâknaah Lawngtlai District chu pâwnlêra inthiar awm tawh lohna - Open Defecation Free (ODF) -ah ni 21,February, 2018 khan puan a lo ni tawh a. ODF Plus-ni tura chak taka hmalak zel niin, Open Defecation Free (ODF) Plus Programme hnuaiah  Community  Compost pit leh Individual/Combined Soak Pit -151 sak zawh tawh niin, Lawngtlai District chu kumin September chhûng ngeia ODF Plus – a puang theih tura beisei a ni.

Lawngtlai Power Division hnuaiah Lawngtlai Power Sub-Division leh Bungtlang ‘S’ Power Sub-Division te awmin Consumer-11,644 an awm mek a. 132/33 Kv Sub-Station, Chawnhu, hnathawh kal mekah Building leh Retaining wall –te zawh tawh niin, kumin chhungin hnathawh zawh fel beisei a ni a, fur ruahtui tlak zawhah 132 Kv line chei that hna thawh tura ruahman a ni. Indo Bangla Border Flood Lighting Scheme (IBBFL) hnuaiah 33Kv line- Bungtlang ‘S’ atanga Vaseitlang zawh tawh niin, quarters pawh sak zawh tawh a ni a. Parva 33/11Kv Sub-station- ah quarters sak zawh tawh niin, 33Kv line- Vaseitlang atanga Parva hnathawh kalpui mek niin, 11 Kv lines leh Border 11 kv lines thlunzawm leh transformers bun hna chu thawh thuai a ni dawn bawk.

PWD Lawngtlai Division hnuaiah kum 2023-2024 chhûngin kawng 20- km a thui  laih a ni a, black top (Flexible pavement)  hi  km-11.11 a thui tih zawh  tawh a ni bawk a. Concrete pavement km-32.14 zawh tawh  niin, Culvert-13 km siam tawh a ni a, Protection Works -390 Rm thawh tawh a ni bawk. PWD Multi Modal Project Division hian KMMTTP bâkah, NH 54B (Zero to Siaha), KM 27.380-a thui leh PMGSY kawng pasarih (7), KM 95.660-a thui te an enkawl a. Kum 2024-2025 chhungin Black Top ( Flexible Pavement) 2.1 km a thuisiam tawh a ni.

District Research Officer, Economics & Statistics Department, Lawngtlai hnuaiah piang leh thi chhinchhiahtu (registration unit) 138 (LADC area-ah 85 leh CADC area-ah 53) an awm a. January atanga July, 2024 chhûng khân DRO kal tlangin  piang (Birth Certificate- delayed, re-issue) - 880 leh thi (Death Certificate- delayed, re-issue) -27 pêk chhuah a ni a. Nitina piang leh thi chhinchhiah zel niin, January atanga July, 2024 ‘Bi-Annual Reports of Birth & Death’ chu chhunzawm mek zel a ni bawk. Kum 2024 January atanga July chhung khan ‘Civil Registration Process” atangin cheng 5,15,700/- hmuh niin, sawrkar treasury ah dah luh tawh a ni. Thla tina ruahtui tlak dan hre turin nitin ruah tui tla zât chhinchhiah a thin a ni a, Economics & Statistics Directorate-ah thawn thin a ni. Nitin khawsakna atâna bungraw mamawh wholesale & retail price te thla 3 danah lâk khâwm thin a ni a, Survey hrang hrang zingah Survey of Farm Harvest leh Survey of Index of Industrial Product (IIP) chu zawh tawh niin, Agriculture Census- 2^nd Phase kalpui tura ruahmanna siamfel  thawh a ni bawk.

Deputy Commissioner of State Tax, Lawngtlai Zone hnuaiah GST leh VAT-ah te chhiah petute tanpui nân ‘Helpdesk’ hawn a ni a. Lawngtlai District chhûngah GST hnuaia inziak lût dealer 154 awm mekin, April atanga June, 2024 chhûng khân State GST-ah Rs. 2,391,359/- leh State Sales Tax (VAT) atangin Rs. 51,83,398/-, a zavaiin chhiah Rs. 75,74,757 /-  hmuh a ni.

District Transport Officer hnuaiah  January ni 1, atanga July ni 31, 2024   chhûng khân lirthei thar - 671 chhinchhiah  niin, Driving licence -401 leh Learner’s licence- 947 pêk chhuah a ni a. Hemi hun  chhûng vek hian Registration fee, Goods tax, Pollution fee, Driving licence, Learner licence, Compounding fine leh a dang  atanga revenue sum hmuh zawng zawng chu Rs. 35,52,775  a ni.

Integrated Child Development Scheme (ICDS) hnuaiah Lawngtlai District chhûngah Anganwadi Centre (AWC)-100 awmin, Nutri-Garden Anganwadi Centre-62 a awm mek a; Anganwadi Centre-ah hian ‘Poshan Abhiyan Scheme’ kalpui zel a ni a. PMMVY Scheme (Nu fa paite hamthatna) kalpui niin, Anganwadi bial tin atanga hamthatna dawngtute Bank Account-ah Rs. 5000 thunsak thin an ni. Naupang kum 6 hnuai lam -3600, nu naupai -103 leh thla ruk hnuailam nau pawm -56 te tâna ei tûr tha (supplementary nutrition) leh Health Education -te pek thin an ni. Community Base Event- thla tin vawihnih hman thin niin, khawtlang thenkhatah ‘Co-ordination Committee’ din a ni bawk a. Hemi ni hian Anganwadi Centre hmasawnna tur te sawi leh ngaihtuahho niin a tul angin Awareness- te pawh kalpui thin a ni. Tlatin ‘Cleanliness & Personal Hygiene Day’ project pumah hman thin niin, tun dinhmunah Severe Acute Malnutrition (SAM) leh Moderate Acute Malnutrition (MAM) an awm lo a ni. 

District Programme Office (Women and Child Development) hnuaiah Lawngtlai District-ah ICDS project-4 kalpui niin, Anganwadi Centre- zawng zawngah  Non-Formal Pre-School kalpui vek a ni bawk a. Hmeichhia harsatna tawk te tan ‘One Stop Centre’ August, 2019 khan  din niin vawiin ni thlengin case-128 khawih tawhin; Shakti Sadan kaltlangin ‘Integrated Relief and Rehabilitation Home for Women’ awmin hemi hnuaiah hian case-109 buaipui tawh a ni bawk.

Social Welfare Department hnuaia District Child Protection Unit (DCPU) ten naupangte dikna chanvo humhalh leh venhim hna an thawk reng a. September, 2023 atanga July 2024 chhung khan Sum leh pai lama harsatna tawk naupang -150 hnenah Sponsorship Programme atangin thlatin cheng 4000 /- tanpuina pek a ni a; Foster Care Programme-hnuaiah naupang-7 enkawl mek niin naupang-21 leh nu leh pa -23 te hnenah Counselling pek a ni bawk. Child Welfare Committee (CWC) ah Case-172 ziak luh niin Juvenile Justice Board (JJB) ah case-3 ziakluh a ni a, Child Helpline Unit-ten Case-15 an dawng bawk. Tun dinhmunah Lawngtlai District- ah Naupang tanpui ngaite enkawlna tur hmun (Child Care Institutions) pathum- Lairam Motherless Home, Lairam Child Adoption Centre leh Lawngtlai Observation Home -a awm mek.

District Civil Supply Officer hnuaiah January ni 1 atanga July ni 25, 2024 chhung khân buhfai quintal 44,393.49 dawn niin, Supply Centres-ah rualkhai taka sem  a ni a. Fur laia motor-in a thlen theih loh khuate tan supply centre parukah kumin chhung daih tur buhfai dah a ni tawh bawk. Fair Price Shop Retailer-ten Ration Card hrang hrang hmangtute hnenah rualkhai takin buhfai an sem chhuak thin a, School/Welfare Institutions, Anganwadi leh Mid-day Meal tur buhfai pekchhuah thin nibawkin; One Nation One Ration Card- hnuaiah Mizoram pawn atanga hnathawhna vanga Mizoram a awm mek, Ration Caed nei hnenah buhfai pek thin a ni. National Food Security Act hnuaiah AAY leh PHH chhungkuate hnenah January, 2023 atang khan vawiin ni thleng in a thlawna buhfai sem a ni a. NABARD Warehousing Scheme (2014-2015) hnuaiah Godown- 4 leh  Staff quarters- 4 Bungtlang, Vaseikai, Lungpher leh Vawmbuk ah te sak mek a ni. Aadhar leh Ration Card thlunzawm hna chak taka kalpui mek niin, tun dinhmunah za zel a 99 zawhfel tawh a ni bawk. 

Excise & Narcotics Station-ah ni 16, August,2023 atanga ni 31, July, 2024 chhung khan Mizoram Excise (ME) Act hnuaiah Case-145 ziahluh niin, NDPS Act hnuaiah Case-3 ziahluh a ni bawk a. ME Act hmangin mi-154 man niin, NDPS Act hmangin mi-3 man an ni bawk. Zu chi hrang hrang litres-1936.125 man niin Heroin-111.39 grams leh Ganja/Cannabis plant -20.161 Kg man a ni.

Land Resources, Soil & Water Conservation Department chuan SEDP hnuaiah hmunphiah chingtu mi-277 leh kuhva chingtu mi-5 hnenah tanpuina Rs. 25000 theuh pe in, a vain Rs. 70,50,000 tanpuina pek a ni a. Rashtriya Krishi Vikas Yojana (RKVY) Scheme kaltlangin Check Dam-5, Pipe Water Conveyance -5 hactres leh Community Water Storage Tank-1 siam a ni a. NABARD hnuaia Rural Infrastructure Development Fund (RIDF) kaltlangin Check Dam-20, Water Harvesting Tank-8 leh Farm Pond-10 siam tawh a ni a; Contour Trech-15 hactres leh Bench Terraces-70 hactres a thui laih zawh tawh a ni bawk.

Lawngtlai Treasury hnuaiah DDO -41 awm mêkin, heng DDO te hian an bill leh cheque zawng zawng chu IFMIS kaltlangin an thehlut thin a, January ni 1, 2022 atanga cheque system e-payment system a thlak tura tih chu a taka kalpui a ni a. Tunah hian Treasury Office Main Gate siam mek niin, Office Compund -pawh hung that mek a ni.

Lawngtai Fire Station chuan January, 2023 atanga July, 2024 chhung khan  kangmei chhuak- chenna In kang-1, Ram kang- 14 leh Emergency Call-1 te dawngin, heng te hi a hmunah kalin a theih ang anga kang thelh hna  thawh a ni a. Distrcit Hospital leh State Bank of India, Lawngtai Branch-ah Fire Safety Inspection  neih niin, kangmei laka fimkhur tura inzirtirna (Fire Awareness) campaign chu Lawngtlai khawpui chhunga veng zawng zawngah neih a ni bawk.

Information & Public Relations (I&PR) Department chuan mipuiin sawrkâr hma lâkna leh ruahmanna te an hriat zung zung theih nâna puanzâr hna thawkin, chanchinbu leh Arts peng hrang hrang hmasâwnna atân hma a la reng bawk a. Mipuite hriat tûr pawimawh hrang hrang hriattîr kawngah te, thuthang dik lo leh ngaihdân dik tâwk lo chi hrang hrang hai lan a, a dik zâwk puanzâr kawngah te sawrkâr kutke ber a ni a. Journalist-te’n hamthatna hrang hrang an dawn theih nân Welfare Scheme duangin, accreditation a siam a, tunah hian Lawngtlai District-ah accredited journalist-6 an awm mêk a. Kum 2022 January atanga July inkâr chhûng khân DIPRO Lawngtlai office chuan Press Release -212 an tichhuak a ni.

Sawrkarlaipui a Ministry of Social Justice and Empowerment atanga ruahmanna siam angin ni 12,August,2024 khan Nasha Mukt Bharat Abhiyaan (Drug Free India Campaign) chu Lawngtlai khawpui chhunga Zirna In hrang hrangah neih a ni a. He hunah hian ruihhlo ti lo tura intiamkamna (pledge) sawihona neih nghal a ni. Nasha Mukt Bharat Abhiyaan (Drug Free India Campaign) hian a tum ber chu thalaite ruihhlo ti lo tura inzirtir piah lamah thalaite chu nakin lawka ram hruaitu tur an nihna hrereng tur leh an fin leh thiamnaterma leh hnam tana hmang a; India ram ‘Viksit Bharat-Developed India’ ni tura  theihtawp chhuah tura inzirtirna a keng tel bawk a ni.

Tlâwmngai pâwl, Kohhran, thu thar thehdarhtu (media) leh mipuite’n Lawngtlai District hmasâwn nâna District Administration leh sawrkâr department hrang hrang an thawhpuina a ha hle a. District hmasâwn nâna hna thawhnaah District mipuite’n sawrkâr an thlâwp tha hle a. Hemi avâng hian Lawngtlai District mipuite chungah lâwm thu ka sawi tak meuh meuh a ni.

Thian duhtakte u, vawiin ni pawimawh kan neih theih nâna an nunna hlântu kan mi huaisente hrereng  i la, kan ram leh hnam hmasâwn zêlna tûrin kan theihtâwp i chhuah leh  theuh ang u.

Ka lawm e

Jai Hind