Vawiin India ram Independence Day, Zalenna Ni vawi 78-naah hian Khawzawl District mipui zawng zawngte chibai ka buk a che u. In zinga he hun ropui tak ka hmang thei hi ka lawm hle a, a thlen theih nana in inbuatsaihna leh in thawhhahna avangin lawmthu ka sawi takzet a ni.
He hun lawmawm tak kan hman theih chhan hi kan ram tana zalenna sualchhuaktu huaisen tak tak leh, harsatna leh natna dawn lova mipuite tana inpe te kha an ni a, vawiin niah hian kan zavaia an hnena lawmthu sawia chibai buk turin ka sawm che u a ni.
Kan dan bu pawimawh ber, Constitution of India chuan kan ramah hian intluktlanna, inpumkhatna leh inlungrualna siam a duh ber a, heng hi mipui ten kan hriat reng a tul a, kan ram hmasawnna zel atan pawha thil pawimawh tak niin ka hria a, rilrua vawng reng turin mipuite ka sawm bawk cheu a ni.
India ram ropui tak hi hmasawnnaah kan chak em em a, kum 1947 a kawng tinrenga ram rethei leh harsa tak ni thin kha vawiin niah chuan hmasawn chak ber leh changkang ber pawl kan lo ni ta a. India sawrkar hna thawh that zarah hriselna kawngah te, zirna kawngah te, eizawnna kawngah te leh thil dang tam takah India ram pumpui hian hma a sawn a, khawvel pum huapah pawh India ram hi a langsar em em tawh a ni.
Chutiang chuan Khawzawl district-ah pawh hian mipui hamthatna atan hmalakna pawimawh tak tak a awm tawh a, sawrkar hmachhawp nen chung te chu tlemte kan sawi lang ang e.
1. DC Office Complex tha tak, square metre 2119 a zau October 2023 khan sak zawh a ni a, DC Office hian tribal certificate te, residential certificate te, income certificate leh certificate dang tam tak, mipui mamawh em em an siam thin a, nikum April 2023 atanga vawiin thleng khan certificate hrang hrang 2,461 an pe chhuak tawh a. July 29 atanga August 1, 2024 khan ALIMCO nena inthurualin vohbik te tana mamawh hrang hrang enfiahna Assessment Camp an lo nei tawh bawk. Tunah hian Common Service Centre awm lohna hmunah certificate semin an kal chilh mek bawk a ni.
2. Superintendent of Police Office hian dan lova lak kuhva rah bag 2,377, cheng vaibelchhe 4.76 (₹4,76,27,500) man hu, zu chi hrang hrang cheng nuai 5 (₹5,04,250) man hu leh ganja bag 6 an man a, dan an kengkawh thain mipui leh khawtlang himna an vang tha em em a ni.
3. 2nd IR Batallion hian an hmunhma leh an garage te MLA Fund hmangin an lo siamtha tawh a, Mizoram, Tripura, Nagaland, Madhya Pradesh leh Rajasthan MLA inthlanna te, West Bengal Panchayat inthlanna te leh Mizoram leh Uttar Pradesh MP inthlanna te an vil bawk a ni.
4. Mizoram Cooperative Apex Bank Ltd. hian tun financial year chhung khan KCC, PMEGP, PMAY leh scheme dang hrang hrangah loan 273 an pe chhuak a, KCC, PMEGP leh Shishu scheme-ah chauh pawh hian cheng nuai 108 (₹108.08 lakhs) chuang loan in an pe chhuak a ni.
5. Block Development Office chuan Khawzawl RD Block-ah kum 2023-2024 chhung khan MGNREGS hnuaiah hna chi hrang hrang 1150 an siam a, thawh zawh vek a ni. Cluster Banana Cultivation at Rabung, Khualen and Aiduzawl project kalpui mek a ni a, hei hi State Sawrkarin project insiamsiak a huaihawt a titha pawl an nih vang a ni a, a ropui hle a ni. April 2024-July 2024 thlengin job card holder tan ni 44 inhlawhna siamsak a ni tawh a, Khawzawl RD Block huamchhungah job card nei chhungkua 8,598 an awm mek a ni.
6. Mizoram State Rural Livelihood Mission (MzSRLM) Khawzawl RD Block hnuaiah hian SHG te tan training hrang hrang buatsaih sak thin an ni a, sum leh pai lamah kawng hrang hrangin puih an ni bawk. Community Investment Fund (CIF) atangin cheng vaibelchhe 6 chuang (Rs. 6,04,50,000) pek chhuah tawh a ni a, hei hian mi tam tak tan eizawnna ngial nghet a siam a ni.
7. Mipui ten sum leh pai awlsam zawka kan hman theih nan Community Based Recovery Mechanism hi Sialhawk MRB, MCAB leh Kawlkulh MRB ah te siam a ni a, SHG Credit Linkage 101 siam a ni tawh bawk. Loan pek chhuah zat hi a vaiin cheng vbc. 3.23 (Rs. 3,23,40,000) a ni a, 2023-2024 chhung khan Village Level Insurance Drive te, Block Level Credit Camp te leh Block Level FI Cadres Fresher and Refresher Training te neih a ni bawk.
8. DDUGKY hnuaiah training pawimawh tak tak October 2023-June 2024 chhung khan hman a ni a, training turin Domestic Data Entry Operator te, Food Delivery Associate te, Airline Cabin Crew te, a vaiin mi 54 thlan chhuah an ni a, RSETI Trade hrang hrang atangin mi 32 thlak chhuah an ni bawk.
9. PMAY-G hnuaiah Khawzawl RD Block-ah Awaas Plus beneficiary mi 753 an awm a, 2023-2024 khan beneficiary 296 an awm belh.
10. District Civil Supplies Office hnuaiah Ration Card Management System hman tan a ni a, ration card leh Aadhar inthlunzawm vek tawh a ni. Supply Chain Management System hnuaiah online in buhfai sem a ni tawh bawk a, NFSA hnuaia beneficiary te hnenah PMG-KAY hmangin mi 25,607 hnenah a thlawnin buhfai an sem bawk.
11. District Rural Development Office hnuaiah, August 2024 thleng hian chhungkua 8,608 hnenah ni 52 chhung inhlawhna siam a ni tawh a, khawtlang mamawh thil hrang hrang, kawng te, step te sak a ni tawh bawk. In nei lo mi 293 hnenah PMAY-G hnuaiah tanpuina pek tawh a ni a, Tualte leh Chawngtlai khuaah PMKSY kalpui mek a ni bawk.
12. District Horticulture Office chuan CM Handholding Policy hnuaiah link road proposal te siamin kuthnathawkte tan khaw hrang hrang hrangah ruahmanna kalpui mek a ni a, VC tinah Multi-Purpose Farming Society din fel tawh niin sawhthing, aieng leh hmarcha thar beisei zat report siam a ni. Hei bakah hian thei tiak sem te, Warehouse-cum-Collection Centre siam te, thlai sem te, Water Tank siam te leh farm mechanization te kalpui mek a ni a, Cyclone Remal avanga tuarte tan tanpuina dil mek a ni bawk.
13. Irrigation and Water Resources Department hnuaiah tuikawng PCC metre 470, diversion weir leh culvert siam a ni tawh a, hmun hrang hrangah land levelling leh line filled channel (tuikawng) siam an ni tawh bawk.
14. ICDS Project hnuaiah hian naupang te, nu nau pai leh nau pawm te leh hmeichhe tleirawl tam tak enkawl mek an ni a, nutrition pek piah lamah rilru lama harsatna nei thlengin an buaipui a, Anganwadi Centre tinah Nutri-Garden siam a ni.
15. KVK hnuaiah On Farm Trial hmun 18-ah neih mek a ni a, 2023-2024 chhung khan thil hrang hrangah training vawi 55 an nei tawh bawk. Thlai chi hrang hrang sem thin a ni a, tualto sêr humhalhna kalpui mek a ni bawk. Kumin March thla khan Dr. Malsawmkimi, Senior Scientist leh Head KVK Champhai chuan Indian Institute of Horticulture Research atangin “Award of Excellence” a dawng a, Pu N.B. Sanga Chhangte chuan IIHR, Bengaluru atangin “Best Farmer Award” a dawng bawk a ni.
16. Soil and Water Conservation Department hnuaiah Broom Planter Society hmun 4-ah leh Coffee Planter hmun 1-ah din a ni a, Tualte leh Chawngtlai khuaah Soil Conservation Awareness kalpui a ni bawk.
17. PHE Department hnuaiah Jal Jeevan Mission kaltlangin tui herh haw theihna in 4,910 hnenah pek a ni a, NABARD nena thawk hovin solar pumping hman theih nan hma an la mek bawk. AMRUT 2.0 hmangin Darngawn leh Changel tuilak siamthat a ni a, Khawzawl District a khaw 25 hi ODF+ (Open Defecation Free) an ni vek tawh bawk.
18. PWD hnuaiah PMGSY hmangin kawng 5 siam tawh a ni a, 1 siam mek a ni. SASCI hnuaia project 2 pawh zawh fel tawh a ni a, Tlangpui leh Lungva kawng siam mek pawh a zo fel tep tawh a ni.
19. Sericulture Department hnuaiah Eri Silk pangang khawitu 136 leh a chi chhuah khawihtu 3 enkawl mek an ni a, Muga Silk khawi turin chhungkaw 13 hma lak tan pui mek an ni bawk. Plantation development leh rearing house sakna tur tanpuinain khawitute hi an pui thin bawk a ni.
20. Chhiah lak zat hi State GST-ah Rs. 16,17,417 niin profession tax-ah Rs. 10,000 a ni a, a vaiin Rs. 16,27,417 a ni.
21. UD&PA Department hnuaiah Mizoram Cleanliness Competition, 2023 khan Khawzawl town hian District Capital Town fai ber lawmman pahnihna a la a, Other Urban Town-ah Biate in lawmman 1-na a la bawk. DAY-NULM hnuaiah Self Help Group 39 din a ni a, training tangkai tak tak pek an ni. PMAY-U hmangin futsal ground te, DUDO office te, auditorium te, community hall te sak an ni bawk.
22. Khawzawl Wildlife Division chuan Green Mizoram Day hlawhtling takin an hmang a, department hrang hrangin thingphunna hun an nei bawk. Khawzawl District chhungah nasa takin nungchate tawlhruk leh venhimna kawngah hma an la bawk.
23. Khawzawl Power Division chuan Luidung Zau leh Laisawr Zau-ah electric line leh transformer hlawhtling takin an siam.
24. Govt. Khawzawl College a pass percentage chu 66.67% a ni a, NAAC Accreditation ah B grade an hmu pha bawk.
25. Economics and Statistics chuan piang leh thi zat an chhinchhiah thin a, April ni 1, 2023 atanga March ni 31, 2024 chhung khan birth certificate 231 leh death certificate 23 an pe chhuak a ni.
26. Samagra Shiksha hnuaiah Netaji Subhash Chandra Bose Awasiya Vidhyalaya (girls’ hostel) te, Chawngtlai HSS leh Biate HSS te sak a ni tawh a, training hall pawh hawn tep a ni. District Education Department chuan Traditional Dance Competition, Kala Utsav te, Science Congress te, Meghalaya tour te an huaihawt a, Vocational Education pawh hmun hrang hrangah a zir theih tawh.
27. District Agriculture Office chuan National Food Security Mission hnuaia thlai leh oilseed sem hna tha takin an thawk a, PMKSY hnuaiah tanky 64 an sa bawk. PM-KISAN hnuaiah tun kum April Atanga July khan mi 2,903 an pui tawh bawk.
28. Settlement Office hian in hmun 152 an survey tawh a, dispute 14 an survey tawh bawk.
29. District Child Protection Office hian Child Welfare Committee hnuaia case 190 an dispose tawh a, Juvenile Justice Board lamin case 26 an ngaihtuah fel tawh bawk. Sensitization Programme leh Capacity Building pawh an kalpui zel a ni.
30. District Hospital, Khawzawl chu June ni 8, 2024 atang khan sak tan mek a ni.
31. FOCUS (Fostering Climate Resilient Upland Farming System in the NE) hnuaiah hian tui dahkhawlna te, agricultural expansion te, thali chi tha zawk supply leh thil dang tam tak hlawkthlak takin kalpui mek a ni. Thlai leh thei chinna atanga sum hmuh hi a vaiin cheng nuai 82 (Rs. 82,12,060) a ni.
32. Khawzawl Forest Range chuan Green Mizoram Day te, Fire Prevention Week te, Wildlife Week te, World Environment Day te leh hun pawimawh dang hlawhtling takin an hmang a, ramngaw pawh Green India Mission hnuaiah hectare 2,280 tha takin an enkawl mek bawk.
33. District Information and Public Relations Department chuan press coverage, thlalak leh video hmangin tha takin an kalpui. July 2023-March 2024 khan Khawzawl District chhungah press coverage vawi 262 an nei a, video leh photo coverage hi vawi 185 an nei thei bawk a ni.
34. Fisheries Department chuan RKVY hnuaiah pond te, nursery te, paddy cum fishing farm te an sa a, Agricultural Technology Management Agency (ATMA) ah breeding chungchangah training hlawkthlak tak an lo huaihawt tawh bawk.
35. AH&Vety Department chuan ransa 1,758 an chiu a, Boar Semen Station an sa bawk a, FOCUS hnuaiah vawk, ar leh kel vulhna atan pawisa an sem chhuak bawk a ni.
A tawp berah chuan tun sawrkar kal lai mekah hmasawnna rahbi thar kan hmu mek zel a, he hmasawnna lo thleng mek leh lo la thleng zel tura Sawrkar min thawhpui zel turin vawiin ni a India Independence Day, 2024 hmangtu zawng zawngte ka sawm a che u.
Ka lawm e/Jai Hind.
