Ram tana ka thawhpui duhtakte leh vawiina Kolasib District mipui lo kalkhawm zawng zawngte, India zalenna champha phak vawi 79-na pualin chibai ka buk a che u.
Kan hriat angin vawiin hi India ram Independence Day vawi 79-na a ni a. Vawiinah hian India ram zalenna atana an tha leh zung leh an nunna te hial thap a Zalenna sual tute, kan Freedom Fighters-te zahna chibai kan buk a. Chutihrualin, zalenna hlutzia hi chiang taka kan hriat a pawimawh takzet a. Kan ram zalenna hi History-bua bung khat belhchhahtu mai a ni lo a, kan Democracy-te, kan inpumkhatna te, ram anga hma kan sawn zelnate atana innghahna lungphum bulpui a ni a. Zalenna hian chanvo leh hamthatna min pe satliah a ni lova, kan ram leh hnam nghet zawka kan impumkhata, khual eh tui tha kan nih theih nan keimahni ah tihtur min tuk ve a ni tih hi kan hriat a pawimawh takzet a ni.
Kan Chief Minister zahawm tak Pu Lalduhoma kaihhruaina hnuaiah Sawrkar chuan theihtawpin mipui tan hna a thawk a. Kum khat chuang awrh kan Sawrkar chhungin hmasawnna leh danglamna kawng tam takah hmuh theihin a awm a. Mi chanhai zawkte dawmkanna tur Sawrkar Scheme chi hrang hrangte, loneih leh kuthnathawka eizawngte tan hamthatna tha zawk an lo chan theihna turte leh thalai hna hmu lo tam takte in a eizawnna an hmuh ve theihna turin kawng hrang hrangin hma a la a, tunah a rah kan hmu chho zel a ni. Langtlang Sawrkar kan nih ang takin inrualkhai taka hmasawnna lamtluang kan zawh theih nan Sawrkar chuan theihtawp a chhuah a ni.
Sawrkar chuan intodelhna lama ke kan pen theih nan Bana Kaih Policy chu a kalpui mek zel a. He Bana Kaih Policy hmang hian Loneitute in a an thlai thar chhuahte man man taka an hralh theihna turin Sawrkar chuan Minimum Support Price-in heng Sawhthing, Hmarcha, Aieng leh Hmunphiahte hi a leisak thin a. Kolasib District chhungah hian Bana Kaih Policy atangin Sawrkarin Buhhum Quintal 1472.8; Kg khatah Cheng 30/- zelin a lei a. Buhhum leina senso zat chu Cheng 44,18,400/- (Nuai sawmlipali singkhat sangriat zali) a ni. Sawhthing Quintal 512.21 niin a leina senso zawng zawng chu Cheng 194,14,875/- (Nuai za sawmkuapali singkhat sangli zariat sawmsarih panga) a ni a. Hmunphiah Secondary Collection Centre (SCC) Saipum leh Vairengte atangin Quintal 21,090 Sawrkarin mipuite hnen atangin a leisak bawk. Kuthnathawktute hamthatna tur ‘Bana Kaih Policy’ hi kan Sawrkar chuan kalpui zel a tum a. Kuthnathawktute pawhin thatho taka tan kan lak zual sauh pawh a pawimawh hle a ni.
Dam lo harsa tak takte inenkawlna tur nei lo a an awm thin hi Sawrkar chuan pawi a ti takzet a. Chumi avang chuan Mizoram Universal Health Care Scheme chu mi zawng zawng huapzovin a duang a. Sawrkar chuan miin inenkawlna tur a neih loh avangin damdawi in a pan loh phah tur a ni lo tih hi a ngaihdan nghet tak a ni a. He Scheme hmang hian Damloten an inentirna senso leh an in enkawlna zawng zawngte a thlawnin an dawn theih phah a. Hei hi Damlo tam takin chhawr tangkai tawhin, an chhawr chhunzawm mek zel a ni.
A tawp berah chuan he Zalenna Ni kan thlen hian inlungrual tak leh induhsak tawna hmalam pan ho tur kan ni tih hi i hre nawn leh ila. Kolasib District mipuite pawh Sawrkar hmalaknate thlawpa ram kalsiam tura ke pen za ho turin ka sawm nawn leh che u a ni.
ACHIEVEMENTS OF VARIOUS GOVERNMENT OFFICES IN KOLASIB
DC OFFICE :
Kolasiba District Administration khaipa ber DC Office hi Administration mai piah lamah District chhunga Office hrang hrangte hnathawh dan enpuitu leh Department hrang hrangte’n thawhhona tha tak an neih theihna tura khaikhawmtu pawimawh tak a nih angin kawng hrang hrangin hna a thawk thin a. DC Office in a kum kalta atanga vawiin ni thlenga a hnathawh thenkhatte lo ngaithla ho ila:
1. Bana Kaih : (Hand Holding Policy)
Kolasib District hnuaiah hian Department pasarih (7) (Agriculture, Horticulture, AH&Vety, LESDE, LRS&WC, S&YS leh Tourism) atangin Partners 65 (sawmruk panga) thlan chhuah an ni a, Training leh Certifcate mi 43 (sawmli pathum) te pek an ni.
2. SASCI
SASCI Project hnuaiah, GAD atanga SDO(C) Quarter, Bairabi leh Kawnpui chu Cheng 1,60,00,000( Nuai Zasawmruk) senga sak mek a ni.
3. LAND ACQUISITION
Kolasib District-ah hian CALA (Competent Authority for Land Acquisition) enkawlna hnuaiah 4-lane kawng laihna tur Vairengte atanga Sairang inkal pawhna a buaipui a, heng ah hian Package hrang hrang pariat a then a ni a.
Heng package pariat ah te hian mi 1579 hnenah zangnadawmna sem tawh a ni. Package 3 leh 4 hi sem zawh tawh a ni a, Package 5,6,7 leh 8 hi 1st List sem tawh a ni. 2nd List buaipui leh mek a ni. Compensation sem atang hian Rs. 10,04,40,376 (Vaibelchhe sawm, nuaili, singli zathum leh sawmsarih paruk) hi sorkar ah chhiah pek luh tawh a ni.
CALA Court kal tlangin rambuai chinfel hna nasa taka buaipui a ni a, mi 56 te rambuai chinfel a ni tawh a. 4-Lane NH-306&06 package 3-6 chhungah thing awm te chu Kolasib Forest Division te hmalakna in kih tan a ni tawh a ni. 4-Lane NH-306&06 package 3-7 chhungah contractor te chuan kawnglaih hna thawk tan turin camp an in bun vek tawh a, Vairengte leh hmun engemawzatah kawng te pawh an lai tawh a ni.
4. DM&R State Disaster Reponse Fund (SDRF) atang chhungkua 686 (zaruk sawmriat paruk) hnenah zangna dawmna, Cheng 1,09,96,075 (Nuai Za pakua, Singkua sangruk sawmsarih panga) pek tawh a ni. Raltlan tan Relief Camp buatsaih ani a, senso zat hi Rs 16,54,027 (Nuai sawmparuk, singnga sangli sawmhnih pasarih) hman tawh a ni bawk.
5. Law & Order
Kum 2024 August thla a Kolasib District Driver & Welfare Joint Action Committee leh September thla a Land Owners Association, leh kum 2025 June a, Mizoram Tipper Association (Kolasib) ten National Highway an Block chungchangah DC leh SP Level atangin, dan leh thupek kenkawh chungchangah inremna neihpuia buaina liantham awm loa sawifel pui nghal thin an ni.
6. RTI
Kum kalta chhung khan Right to Information (RTI) Application 148 DC Office kaltlangin thehluh a ni a. Application lo lut zawng zawng hi information pek vek an ni a, Pending application a awm lo.
7. Election
District Election Office, Kolasib kaihhruaina hnuaiah heng election pawimawh tak tak VC By-Election 2024, 2nd Sinlung Hills Councils Election 2024 leh Village Council General Election 2025 te hi tluang taka neih a ni.
8. ILP
Kolasib, Bairabi leh Vairengte a ILP Issue zat 1,45,824 (Nuaikhat, Singli, Sangnga Zariat, sawmhnih pali) niin Cheng Rs 4,74,89,900 (Vaibelchhe li, Nuai sawmsarih pali, Singriat, Sangkua zakua) ILP Issue atangin hian hmuh a ni.
9. DAJGUA
IEC Campaign hi khaw paruk (6) thingdawl leh Bilkhawthlir RD block huam chhungah neih ni in, mipui te dawr theih tur a in chhawpchhuah a ni a. Mi Zaruk (600) velin an hlawkpui a ni.
SECURITY : (SP, EXCISE, JAIL) & TRANSPORT)
Superintendent of Police, Kolasib
Sawrkar chuan mipui himna leh ralmuanna a ngai pawimawh hle a. Kolasib District pawh Kolasib SP kaihruaina hnuaiah kan Police-te an rim in hna an thawk tha hle a. Office of The Superintendent of Police, Kolasib chuan kumin chhungin cheng nuaih 92 chuang (Rs.98.2 lakh) zet pawisa leh thil bo dangte an hmu kir thei a. Dan lova Kuhva tawlhruk pawh Bag 1,280, cheng Vaibelchhe hnih (Rs.2,02,91,760) chuang hu chu manin, Case 7 (pasarih) an Register bakah hemi a inhnamhnawih mi 11 te an man bawk a ni.
Zu, ruihhlo leh damdawi chi hrang hrang cheng Maktaduai 165 chuang zet chu kuminah man tawhin, a tih riral hna an thawk bawk a. Heng bakah hian mipuiah zirtirna kalpuiin - POCSO, Cyber Crime, Drugs Abuse and Illicit Trafficking Awareness Campaign-te vawi engemaw zat an nei tawh a ni. Hemi piahlamah hian tunlai kan kawng dinhmun avangin Police-te hi Traffic vil in rim takin National Highway 306&06 hmun thenkhatah an Duty thin bawk a ni.
Excise & Narcotics Department
Ruihtheihthil hi kan ram leh hnam hmelma a ni a, Sawrkar pawhin ngai pawimawhin a do rem kawngah tan nasa takin a la a. Excise & Narcotics Department, Kolasib District Enforcement Staff-te hmalakna in MLP Act 2019 hnuaiah Case 1,700 chuang ziahluh niin kumin chhungin Rakzu litre 2,500 chuang an man tawh bakah Zu chi hrang hrang Bottle leh Can 14000 chuang an man tawh a. Ruihhlo leh damdawi chi dang Kg 30 bawr vel an lo man tawh bawk a ni. Kumin chhungin cheng nuai 21 chuang (21,77,987) Sawrkar Revenue-ah an chhung lut tawh bawk.
Superintendent of Jail, Kolasib
Tun dinhmunah Superintendent of Jail, Kolasib hmalakna in District Jail Saidan-ah Convict 71 tha taka enkawl mek an ni a. Kum liam ta chhungin Jail hmunhma Barrack, Fencing, Kitchen leh a dangte thawmthat a ni bawk.
District Transport Office Kolasib
District Transport Office Kolasib chuan kum kalta atanga June, 2025 thleng khan cheng Maktaduai 100 chuang (Rs.101,079,187) sawrkarah chhiah a chhung lut a, lirthei ziah luh thar 2,280 awmin, License pekchhuah 724 a nei bawk a ni.
MEDICAL : (CMO, DMS, NURSING SCHOOL)
Kan District-a Damdawiin pui ber nghaktu leh mipui hriselna kawnga chhum lo chat lova thawk thin Chief Medical Officer (CMO) leh District Medical Superintendent (DMS) Office-a thawktute hnathawh thenkhatte i han tarlang ila.
Kum 2025 chhung hian Mizoram Universal Health Care Scheme (MUHCS) hnuaiah mi 841 Enrolled tawh niin PMJAY Card (Ayushman Card) Issue zat hi 4,210 a ni bawk. Kolasib District-ah Village Council TB Free Village 28 an awm tawh a, TB Natna um bovin TB Mukht Bharat Abhyan chak takin kalpui chhoh mek a ni a. Kum 2025 chhung hian Malaria vanga thi kan nei lo a, Thosi hlo kah (Indoor Residual Spray) ngai khua pakhat mah kan nei lo bawk a, a lawmawm hle a ni.
Kan District chhung a nu naupai zawng zawngte Td (Sakawrekhrik danna) pek vek niin naupang kumkhat hnuailam hridanna pek zat hi 87 % a ni a. Kan District Infant Mortality Rate (Kum 1 hnuai lam thi) hi naupiang 1,000 zelah 15.8 (15.8 per 1000 Live Birth) a ni a. Tun dinhmunah NCD Programme hnuaiah hian Diabetes (Zunthlum) leh Hypertension (BP sang) Screening 30+ Population-ah kal chhoh pui mek zel niin 89% Covered tawh bawk a ni. Tin Blindness Program hnuaiah hian kum upa bikah Target 300 aia tam mi 368 hnenah Tarmit a thlawnin pek an ni bawk.
Damlo enkawlna khum 100 awmna tur District Hospital Building thar chu 80% sak zawhfel tawh niin kumin October thla chhung hian peihfel beisei a ni a. India rama Sawrkar Damdawi-in ṭha bik tehna, National Quality Assurance Standards (NQAS)-ah Kolasib District Hospital chuan 96.39% hmuin a tling thara, a lawmawm tak zet a ni.
School of Nursing, Thingdawl
School of Nursing, Thingdawl pawhin a din tirh atangin Nursing zirlai hlawhtling tak tak an chherchhuak reng thin a. Academic Session hnuhnung berah khan Mizoram Nursing Council Board Examination hnuaiah 1st Year leh 3rd Year atangin pakhatna dinhmun an hauh bakah, Top 10 ah engemaw zat an lang bawk a ni. He Nursing School ah hian tunah zirlai 62 an awm mek a ni.
AGRICULTURE : (AGRICULTURE, HORTICULTURE, AH&VETY, FISHERIES, SERICULTURE, IRRIGATION, FOREST, SOIL, KVK & ICAR)
Sawrkar ngaihpawimawh ber chu ei leh bara intodelh hi a ni a. Chumi atan chuan Sawrkar Flagship Program - Bana Kaih (Handholding) Scheme hnuaia thlai thlan bik Sawhthing lei leh hralh buaipui tur hian District Agricultural Marketing Committtee (DAMC) din a ni a. DAMC, Kolasib hmalakna kaltlang hian June ni 30, 2025 thlenga Sawhthing leikhawm zat hi Quintals sangthum za riat sawmriat pahnih (3,882.694) a ni a, hei hi cheng vaibelchhe hnih dawn (Rs 1,94,13,470/- man a ni.
Agriculture and Farmers Welfare Department
Agriculture and Farmers Welfare Department hnuaiah Oil Palm rah hralha eizawng chhungkaw 197 an awm mek a, nikum April atanga July, 2025 thlenga Oil Palm rah an hralh zat chu metric tonne 2,700 a ni a, hei hi Nuai 403.65 man hu a ni. Tin, kuminah Oil Palm tiak 38,000 chuang semchhuah a ni bawk.
PM-KISAN hnuaiah loneitu hamthatna dawng thei chhungkaw 12,943 Register fel tawh a ni. Digital Agriculture Mission hnuaiah hian Kolasib District chhunga leilet leh tlangram Terrace neite chu Landmark App hmangin an ram Geo-Referencing/Land Mark (ram chhinchiah) sak an ni a, ram 902, Hectares 2049.81 Cover tawh a ni. He land geo-referencing Data hi Digital Crop Survey atana la hman tur a ni.
Horticulture Department
Kumin chhungin Horticulture Department hmalakna in Bairabi, Thingdawl leh Kolasibah Avocado hmun 45 ah chin thar a ni a. Thingfanghma tiak 3,000 leh Mizo Hmarcha loneitute hnenah semchhuah a nih bakah thlai enkawlna hmanrua Sprayer leh Pipe Subsidy a pek chhuah niin Thlai chi tha Hybrid Variety leh Local tlai chite semchhuah a ni bawk.
Animal Husbandry & Veterenary (AH&Very) Department
Animal Husbandry & Veterenary (AH&Very) Department hnuaiah hian Kolasib District-ah ran dam lo entirna Dispensary 7 leh Rural Animal Health Centre 3 leh Surveillance Check Post-3 a awm. Hengah hian nitin ran damlo enkawl leh ram chhunga ran lakluhte enfiah thin a ni. Ran hri venna (Vaccine) a pek chhuah thin a ni bawk. State pawn atanga ran hri a lo luh loh nan Interstate Animal Check Post – Vairengte, Bairabi leh Saphaiah te endikna kalpui a ni a. Ran chi tha tih pun kawngah AH& Vety Department hian hma la in, PM Kisan hnuaiah KCC Loan hmangin ranvulhtute an buaipui bawk. Bana Kaih hnuaiah Progress Partner tura ran vulh tanpuina dil tu Kolasib District chhungah chhungkaw - 309 leh CM Package bik dawng tur mi- 33 te buaipui fel tawh an ni bawk.
Fisheries Department
Fisheries Department Kolasib hmalakna PMMSY hnathawh a ni a, tuikhuah/dil thar leh Sangha note khawina tur laih tanpuina Kuthnathawktu mi 265 te hnenah pek a ni a, hei hi a vaiin Hactare 30 vel a zau a ni a. Sangha chi nuai 12 chuang Kuthnathawktute hnenah Subsidy Rate a semchhuah a ni a. Cage Culture pawh kalpuiin Tuirial Hydel Project-ah Cage 90 dah fel tawh a ni.
Sericulture Department
Sericulture Department hnuaiah Kolasib District hian Pangang chi siam chhuahna hmun liah a nei a, chungte chu Govt. Mulberry Seed Farm, Vairengte, Govt. Eri Seed Farm, Project Veng, Govt. Muga Seed Farm, Saidan leh Kawnpuite an ni. Heng Farm atang hian Pangang khawitute hnenah an semchhuak thin a ni. Kumin chhung Eri Sector atangin Coccon 585.15 Kg tharchhuah a ni a. Muga Sector hnuaiah Beneficiaries 66 leh Eri Secor hnuaiah 66 a awm mek a. Cocoon hi Sericulture Department hian a khawitute atangin engtiklai pawhin a lei sak reng thei bawk a ni.
Irrigation & Water Resources Department
Kolasib Irrigation & Water Resource Department chuan PMKSY Scheme leh NABRAD kaltlangin Surface Irrigation Project leh Groundwater Irrigation Project hna thawkin Loneitute tuikawng, tui dahkhawlna leh leilette siamthat hna a thawk a. Heng Project-te hian chhungkaw 176 leh ram Hacter 425 a chawm thei dawn a ni. Subsidized Rate in Solar Water Pump 1st phase chu loneitu mi 23 te hnenah pekchhuah tawh niin, 2nd phase atan dilna hi lakkhawm leh mek a ni.
Kolasib Forest Division
Kolasib Forest Division hmalakna in Kolasib District-ah ramngaw leh nungchate humhalh hna thawh thin a ni a. Green India Mission hnuaia Kolasib District chhunga Hacter 324.78 a zau ram enkawl mek a ni. Kangmei laka mipuite kan himtheih nan hma an lak bakah boruak tha leh hrisel kan neih theihnan thingphun leh thingtiak sem chhuah hna an thawk a. Kum liam ta chhung khan thingtiak 5,000 chuang tlawmngai pawl leh Department hrang hrang tangkawpin Kolasib Forest Division hmalakna hian phun a ni.
Land Resource, Soil & Water Conservation
Land Resources, Soil & Water Conservation Department chuan ram leilung leh tuihnate humhlah turin hna an thawk thin a, Chief Minister Rubber Mission hnuaiah Hortoki, Bilkhawthlir, Saiphai leh N. Chawmpui ah Pilot Project atan Rubber chin beihpui thlak mek a ni bawk. NABARD RIDF hnuaiah Broom Warehouse Saipum leh Vairengte ah sak zawh tawh a ni a, hei hi Hand Holding Scheme hnuaia Secondary Collection Center atana hman a ni.
Krishi Vigyan Kendra & ICAR
Ran, leilung leh thai lam zir bingna thawktu KVK leh ICAR te chuan loneih leh ran vulh kawnga hmasawnna atan hna pawimawh tak an thawk thin a.
Krishi Vigyan Kendra, Kolasib hi India rama KVK 731 awmte zingah Category sang ber - ‘A’Category nei phain; Ran leh thlai kaihhnawiha Research neihna hmunpui leh Loneitute hnena zirtirna pe chhuak thintu pawimawh tak a ni a. Kum liam ta khan a vawikhatna atan Nihawi (Sunflower) Variety 2 chu hlawhtling takin Chemphai leh Buhchangphaiah enchhinna neih a lo ni tawh a, hei hi tel/hriak tharchhuah lama Kolasib kan intodelh theih nan a ruahmanna a ni. KVK Kolasib hian Loneitu 2,284 te hnenah Training vawi 87 kum liam ta chhung khan a pek bakah thlai chi hrang hrang Loneitute hnenah a semchhuak thin a. KVK Kolasib Senior Scientist and Head Dr. Michelle C. Lallawmkimi chuan Scientist of the Year 2024 Award leh Eminent Scientist of the Year 2024 Award a dawng bawk.
ICAR:
Indian Council of Agricultural Research (ICAR) Kolasib chuan kum liam ta chhung khan thlai leh rante enkawl dan chungchangah zirchianna hlawhtling takin an lo nei tawh a. Tribal Sub Plan hnuaia Training vawi 23 mipuite ah pein, Loneitute hmasawnna kawnga Project hrang hrang a pe thin a. Tun dinhmunah Beneficairies 922 Mizoram District 7 ah an awm mek a ni.
DRDO, UD&PA, DLAO, DCSO, PHE, P&E, PWD –EE & PWD Highway
District Rural Development Office
District Rural Development Kolasib hnuaiah Ni Za Inhlawhna-MGNREGS kalpui niin chungkaw thahnem tak tan an ei bel a ni mek a. Mizoram State Rural Livelihoods Mission (MzSRLM) kaltlangin mi chanhai zawkte khaichhuak leh eizawnna tih changtlunna hna thawh a ni a. Kolasib District-a RD Block pahnih – ah MzSRLM hnuaiah Self Help Group 804 an awm mek a. Thalai kum 18-25 inkar 390 te hamthatna tur DDU-GKY hnuaiah kalpui niin, Training pek an ni. PMAY(G) kaltlangin Kolasib District chhungah Insak tanpuina mi 903 hnenah pek an ni a, Awaasplus 2024 Survey kalpuiin Kolasib District chhung a chenna in 4,639 Survey tawh a ni tawh bawk.
UD&PA Department
UD&PA Department hian khawpui fai thianghlim kan neih theih nan te leh a mi chengte dinhmun dawmkan na turin sawrkar scheme hrang hrang te kaltlang in hna a thawk thin a. Vawiinah chuan heng an hnathawh zinga langsar zual, faina lama sawrkar hmalakna lian tak, Swaach Bharat Mission te leh insak tanpuina- Housing for All te hi kan tarlang ang a. Swachh Bharat Mission hnuaia Solid Waste Management Centre, Dihmuntlangah hian Kolasib bawlhhlawhte hi sawngbawl niin chi hrang hranga thliar an ni a, chungte chu bailed in hralhchhuah an ni. Thliar hran theih lohte hi Dalmia Company, Meghalayah phurh thlak an ni bawk. PMAY(U) HFA hi 2015 a tang in Kolasib District ah kalpui tan a ni a. Kolasib District a beneficiary awm zawng zawng hi 4932 an ni a, heng zing a In sa zo vek tawh hi za a 70.49% an ni. Kumin chhung khan UD&PA Department hian Kolasiba hmun hrang hrangah Women For Trees pualin thingphun hnatlang an nei bawk a ni.
District Local Administration Office (DLAO)
District Local Administration Office (DLAO) chuan XV Finance Commission Grant atang hian Village Council ten khawtlang mamawh hrang hrang; Step, PCC Flooring, Retaining Wall, Bridge etc., Sanitation lam hawi leh water harvesting lam hawite an thawk a, khawtlangah hmasawnna tam tak hmuh theihin a awm, an tangkaipui hle a. Rashtriya Gram Swaraj Abhiyan (RGSA) Scheme hnuaiah vantlang hmun leh VC House-te sak thin a ni bawk.
District Civil Supplies Office (DCSO)
District Civil Supplies Office chuan District chhung zawng zawngah buhfai a hun takah an sem thei thin a. Hostel, Institution, Anganwadi leh hmun dangah pawh Allotment an hmuh rualin pek vek thin an ni. Tin, tunlai kawngpui chhiat avanga Truck Driver tangkhangte hnenah Sawrkar hmalakna angin D.C., Kolasib hova Meeting neih a ni a, an eitur buhfai hi Supply Godown Kolasib leh Kawnpui atangin pekchhuah a ni.
PHE, Kolasib WATSAN Division
Tui thianghlim intur in tina kan neih theih nan PHE, Kolasib WATSAN Division chuan hma tha takin a la a. AMRUT 2.0 hnuaiah Town pali Kolasib, Kawnpui, Bairabi leh Vairengte ahte Distribution Line zawm belh leh Tuizem leh Reservoir siam thar a ni bawk. Jal Jeevan Mission (JJM) hnuaiah khaw 48 ah hmalakna kalpui niin chenna in 9,038 ah Functional Household Tap Connection pek vek a ni. SBM(G) hnuaiah OPF Plus Model dinhmun vawn nun a ni zel theih nan nasa takin hmalakna kalpui reng a ni bawk. Tun Financial year (Upto June, 2025) chhung khan PHE Department Kolasib hian Revenue cheng Vaibelchhe hnih dawn (Rs 1,94,02,679/-) a hmu a ni.
P&E Department
P&E Department hnuaiah hian chatlak lo leh hnianghnar zawka kawlpetha kan neih theihna tura ruahman Tuirial 132KV 2nd Evacuation line Km 39.618KM a thui chu 30% zawh fel a ni tawh a. Tun hma a kawlpetha mumal taka kan neih lohna, heng Damdiai Zau (63% completed ), Dumkel Zau – (58% completed ) te leh Chhimluang Zau-I (96% completed ) ah te hian chak taka hna thawh mek a ni bawk. Heng bakah hian kumin chhung hian chhungkaw 6 hnenah Rooftop Solar Install sak an ni.
PWD – Executive Engineer
Mizoram luhka leh khual chhawntu District pawimawh tak kan nih angin inkalpawhna țha neih a țul hle a.
Hemi tur hian PWD – Executive Engineer, Kolasib Division chuan kawng siam leh thawmthat hna an thawk thin a. Kum liam ta chhung khan kawngpui leih hna Km 23.100, Black Topping hna Km 4.809 thawh niin inkalpawhna kawng tih chak hna an lo thawk tawh a. Lirthei tlan tamna hmuna; kawngpuite tih chak nan Concrete Pavement Km 2.510 siam niin tui luangkawr tha tak neih nan Culvert 5 leh Leidawh (Bridge) 1 siam a ni a, kawngpui enkawlna 401.50 Rms thawh a ni bawk.
PWD Highway Division - III
PWD Highway Division – III chuan District chhunga National Highway kawng leih zauh hna km 300 chuang an thawh bakah Black Topping km 18.130 hna kum liam ta chhung khan a thawk a. Concrete Pavement hna Km 2.200 siam hna thawkin Culvert 12 a siam bawk a. District chhunga kawngpuite enkawl leh vil hna thawkin kum liamta chhung khan 723.800 Rms an lo tuam bawk a ni.
EDUCATION (DEO, DIET, COLLEGE, ETC-SIRD)
District Education Office
Zirna tha kan naupangte’n an neih ngei theih nan Kolasibah hian District Education Office chuan theihtawp a chhuah thin a. Sikul kallo naupangte’n Sikul an luh ve ngei theih nan kum 2024-25 chhungin Residential Special Training Centre Kolasib leh Bilkhawthlir-ah naupang 45 enkawl an ni a. Hmeichhe naupang chhungkaw harsatna hrang hrang avanga zirna chhunzawm theilo mai turte tan a thlawn a Girls Hostel din chu zirlai thahnem tak ten an chhawr tangkai mek zel a. Government/Government Aided Elementary School Zirlai 9,681 te hnenah Zirlaibu a thlawna sem chhuah a nih bakah Uniform pek chhuah a ni bawk. Self-Defence Training leh Vocational Education-te kalpui a ni a, PM POSHAN hnuaiah zirlai 10,123 in Midday Meal an dawng. District chhunga Primary atanga Senior Secondary School-ah Library tih changtlun nan lehkhabu chi hrang hrang School pakhat zelah Bu 97 zel sem chhuah a ni bawk.
DIET
DIET Kolasibah hian Pre-Service Teachers’ Education leh Diploma in Elementary Education Course kalpui niin, zirlai 102 an awm mek a. Boys Hostel tur changtlung tak DIET Campus chhunga sak pawh zawh fel ni tawhin luah mai theih a ni tawh a ni. DIET Auditorium sak zawh tak pawh tangkai taka hman niin DIET Kolasib atang hian zirlai Batch 9 an lo chhuak tawh a. DIET Kolasib hian Zirna in hrang hrangte tan Training leh Intihsiakna hrang hrang an buatsaih thin bawk.
Extension Training Centre (ETC)
Extension Training Centre (ETC), Kolasib hian thingtlanga chengte hmasawnna leh dinhmun chawikanna atan Training leh Research-te hmangin nasa takin tan a la a. Kum liam ta chhung khan Training vawi 18 neiin, mi 1,500 chuang hnehah Training hrang hrang pek a ni a. Heng bakah hian PMKSY Evaluation 2.0 Kolasib-I chu neih zawh tawh a ni a. Tin, Case Study pawimawh tak mai, PHED te nena tangkawp in ‘Analytical Study of Drinking Water within Kolasib Town’ neih zawh tawh a ni bawk.
Government Kolasib College
Government Kolasib College hi Kolasib a zirna sang zawk kan neih zinga pawimawh tak a ni a. Kumin, 2025 a MZU UG Examination neih zawh takah khan he College atang hian 65.70% an graduate a ni. Lalhmingsanga, Department of Geography chuan Geography Department-ah Mizoram pumah pahnihna a hauh bawk. College Library Building sak nan leh Class Room leh Administrative Building tih changtlun nan hian PM USHA atangin cheng Vaibelchhe 5 ruahman a ni a, hna hi thawh tan thuai tura beisei a ni. NEC hnuaiah Science Building sak nan cheng Vaibelchhe 8 proposal Submit a ni bawk.
PUBLIC WELFARE & SERVICE (DCPU, ICDS, JORDAN CENTRE, LEGAL METROLOGY, CO-OPERATIVE, SPORTS)
District Child Protection Unit, Women & Child Development, Social Welfare Department
District Child Protection Unit, Women & Child Development, Social Welfare Department, Kolasib hnuaiah hian Programme leh Scheme pawimawh tak tak kalpui a ni a. Naupang tanpui ngai leh venhim ngaite’n awlsam taka Report an theh luh theih nan Child Helpline 1,098 chu 24x7 a kalpui niin mipuiin tangkai takin an hmang mek a, January 2025- July 2025 chung khan call 130 dawn tawh a ni. Naupang venhimna chungchang te, Adoption chungchangte, After Care chungchangte leh naupang himna kaihhnawih kawng hrang hrangah rim takin an thawk thin a. Kolasib District ah Children’s Home pathum (3) awmin tun dinhmunah hian naupang 74 enkawl mek niin, heng naupangte dinhmun hi enfiah thin a ni bawk.
Thingdawl ICDS Project
Thingdawl ICDS Project kaltlang hian raipuar leh nu, naute hnute pe lai mekte leh naupang kum ruk chin hnuailamte hnena chaw tha sem leh an hriat tur tulte inhrilhriatna neih thin a ni a. ICDS Thingdawl hnuaiah hian Beneficiaries mi 6,443 zet an in Register tawh a ni. Naupaite tana hamthatna Pradhan Mantri Matru Vandhana Yojana (PMMVY) leh naupiang thang chhote tan chaw tha leh Diet pawimawh zia inhrilhhriatna, Poshan Pakhwada te chu changtlung taka kalpui a ni bawk.
Jordan Centre
Jordan Centre, Sethawn kaltlang hian Indira Gandhi Natioanl - Old Age, Widow, leh Disabilty Pension Scheme hamthatna mi 1495 ten an la mek a. BPL chhungkua mi 15 te hnenah insak tanpuina pek a ni bawk. Social Welfare Department inkaihhruaina hnuaiah mithi ruangphurhna ngaihtuah ngai a awmin Jordan Centre kaltlangin tlawmngai pawlte nen hmalak thin a nih bakah Kolasib District chhunga khaw 10 te hnenah PMAAGY hna thawh a ni bawk.
Sainik Welfare and Re-Settlement
Sainik Welfare and Re-Settlement, Kolasib District hnuaiah World War-II Widows mi 9 la damte hnenah State Sawrkar atangin thla tin cheng 3000 theuh lawmman pek a ni a. Sipai bang, Pension-te hamthatna ngaihtuahin sipai boralte chhungkaw ngaihven kawngah hna an thawk reng thin a ni.
Legal Metrology Office
Legal Metrology Office, Kolasib hian Kum 2024-2025 chhungin Consumer-te dikna leh chanvo humhalh anih theih nan nasa takin hna a thawk a. Kolasib District ah Petrol leh Diesel Quality tha leh teh tling kan dawn theih nan Petrol Pump te uluk taka endik thin a ni a, LPG pawh buktling tha tak kan dawn theih nan Gas lo thlengte a semna hmunah a tam thei ang ber endik thin a ni a, dan bawhchhiate hremna pek thin an ni. Tin, Kolasib khaw chhunga Bazarte endik thin a ni a, mipuiin sa leh thil dangte buk dik taka an dawn theih nan an buknate endik sak thin an ni. Sumdawngtute’n thil man uchuak taka an tisang turte pawh uluk taka endik thin a ni. Tin, Iron rod dawrte pawh endik a ni a, an buknate endik sak thin an ni bawk. Heng bakah hian Kolasib District chhunga Weighbridge-te endik thin an ni bawk.
Heng bakah hian Retailer-te pawh an buhfai semte a buk dik leh dik loh endik thin a ni a. Tin, khawchhungah MRP aia sanga thil zuarte endik thin a ni a, a tisualtute pawh dan anga hremna pek thin an ni.
Co-Operative Office
District Co-Operative Office, Kolasib Co-operation Department hnuaiah hian Cooperative Society 118 awm mekin Pradhan Mantri Van Dhan Yojana Second Phase atan TRIFED kaltlangin Society thlan chhuah bik 15 te hmalak nan Cheng nuai 112.5 pekchhuah a ni. Kum khat chhungin Kolasib District a heng Co-Operative Society-te sum thawh chhuah hi cheng nuai 609.1 lai a tling pha a ni.
Commerce & Industries
District Commerce & Industries hnuaiah hian Central leh State Sawrkar atanga hamthatna awmte mipuite hnena thlen a nih theihnan thawh thin a ni a. PMEGP hnuaiah Kolasib chhunga Bank-te nen tangkawpin Loan; Margin Money nuai 151 nen kum liam ta chhung khan pek a ni a. PM Vishwakarma hnuaiah mi 463 te Training pein mahni kutkawiha dinchhuahna kawngah mipuite tanpui thin a ni. Commerce & Industries Department kaltlang hian Bana Kaih hnuaia CM Special Package dawng mi 47 an awm mek bawk.
Sports & Youth Services
Sports & Youth Services Department Kolasib District hnuaiah hian Sports Academy pahnih, Regional Sports Training Centre Kolasib leh Boy’s Hockey Academy Kawnpuite hi an awm mek a. Boy’s Hockey Academy Kawnpuiah hian naupang 22 an awm mek a, Regional Sports Training Centre Saidan ah hian Football Trainees 30 an awm bawk a ni. Academy atang hian International leh National Player enge maw zat an chhuak tawh a ni.
OTHERS – TAXATION, RESEARCH, DIPRO
Taxation Department
Nikum March thla atanga kumin March thla thlenga Kolasib Taxation Department-a chhiah lo luh danin Goods & Service Tax(GST), Mizoram Value Added Tax, Professional Tax leh CESS atangin Vaibelchhe 20 chuang (Rs. 236,330,282) Mizoram Sawrkara chhiah chhunluh a ni thei a ni.
Land Revenue & Settlement
Land Revenue & Settlement Office, Kolasib chuan August 2024 leh August 2025 chhung khan Leiman chhiatkhawnna, Pass khulhchhuahna leh Tax dangte atangin Cheng Nuai 193 chuang a hmu a, Pass 375 ziak lutin, Pass 319 Renew a awm a, Ram 511 teh fel a ni bawk.
District Research Office
Kolasib District Research Office chuan a vawikhatna atan Kolasib District Quarterly Statistical Bulletin chu kum 2024–2025 atangin a tih chhuah bakah mipuite’n awlsam taka Office an dawra; Kolasib District chanchin an hriat theihna tur Website thar DRO hmalakna in neih a ni a. District chhunga nau piang leh mithi bakah, sik leh sa awm dante, District dinhmunte chipchiar takin DRO Office hmalakna hian chhinchhiah a zirchianna neih thin a ni.
District Information & Public Relations Office
Sawrkar ruahmanna leh hmalaknate hi a chhawrtu tur leh a tangkapuitu turte hnena a thlen loh chuan a sawt mawh hle a, mipuite hnena hriattir hna hi Information & Public Relations Department Kolasib District chuan kalpuiin Sawrkar thuchhuah Mizo tawng leh sap tawngin a tarchhuak thin a ni. Department hmalakna hrang hrang Documentation buatsaihin, Multimedia Publicity Campaign kaltlangin Kolasib District chhunga Department hrang hrangte hmalakna enpuiin mipui hmuhtheih turin Social Media-ah an chhawpchhuak thin bawk a ni.
A tawp berah chuan Kolasib District chhunga State leh Central Sawrkar hnuaia thawktu awm zawng zawngte inpekna avangin lawmthu ka sawi a. Kan tlawmngai pawl hrang hrangte, khawtlang leh kohhran hruaitute, zirlaite leh Media lama ka thawhpuite chungah lawmthu awm se.
Vawiin ni ropui takah hian in zavaiin Independence Day chibai ka buk nawn leh che u a. Eng ang mi pawh ni ila, he ram ropui tak hi kan zavaia ta a ni a. Ram inpumkhatna hi vawng nung a; tichak zel turin vawiin hian thawhpuiah ka sawm thar leh che u a ni. Kolasib District hi Mizoram chhunga kawng engkima District entawntlaka kan siam theih nan tan i la tlang zel ang u.
JAI HIND
