Thiante u,
Kan ram tana ni ropui tak, Independence Day vawi 70-na a lo thlen hian Mizoram mipuite leh he ram ropui taka khua leh tui zawng zawngte duhsakna chibai ka buk a che u. Kum 69 kalta vawiin ni angah khan hnehchhiahna thim chhah tak ata enna hmu in, awpbehna nghawngkawl tihtliah a lo ni ta a. Midangte rinchhan hauhlova mahni ke ngeia dingchhuakin, zalenna kawng zawh tura mi dangte cho chhuaktu kan lo ni hial ta zawk a ni.
Mahni tana huamhauhna thinglung pu lo, he ram zalenna tura inpe pumhlum - Mahatma Gandhi, Pt. Jawaharlal Nehru, Sardar Vallabhai Patel, Maulana Abul Kalam Azad leh kan mihuai kal hmasate kha hre reng ila. An phu ang chawimawina leh ropuina dawng hman lova mual liamta sipai huaisente leh zalenna sual chhuak tura rilru leh tha zawng zawng seng ralte kha zahna chibai i buk ang u. An inhlanna avang chauhvin kei ni hian mipui rorelna sawrkar hnuaiah zalen takinkannung thei a ni.Kanhnam innghahna lungphum hre rengin a tipuitlingtu nih tumin inhlan thar theuh ila. He ni pawimawh hi hmang liam mai lovin, khawvel hmun hrang hranga chengIndiamiten he ram hmasawnna tura an thawhhohna ni leh inpumkhatna ni atan i hmang zawk ang u.
Beiseina nung nenkanhmalam hun thlir chungin kum khat chhunga Mizoram sawrkar hmalakna tihhlawhtlin tawh te leh hmachhawp mek te han sawi lang ila.
1. Mipui himna leh hlimnaturinsawrkar chuan dan leh thupek kenkawh a ngai pawimawh hle a. Kum khat chhung khan dan leh thupek kenkawh kawngah harsatna lian tham engmahkantawk lova. State ralmuang ber te zinga chhiar telkanla ni chhunzawm zel thei hi khawtlang mipui leh tlawmngai pawlten sawrkar an thlawp tlat vang a ni a, an hnenah lawmthu ka sawi a ni.Indiasawrkar nena inremna, Mizoram Peace Accord an ziah ni atanga kum sawmthum tlin kum a lo ni leh zel hian kumin hi kum chhinchhiahtlak a nihna a belhchhah a ni. Kum 30 kalta chhung khan thil tam tak tihhlawhtlin ni tawh mah se, hmasawnna kawng thui tak zawh tur erawhkanla nei a. Vawiinah hian midangte entawntlaka Mizoramin remna leh muanna a neih chhunzawm zel theih nan inhlan thar theuhturinka sawm che u a ni.
Mizoram Police-te ti chak turin hmasawnna ruhrel tam tak din mek a ni a, a then chu tun hnai lawkah kan zo dawn a. Bureau of Police Reforms & Development (BPR&D) chhut danin kum 2013 leh 2014 chhung khan kan Police-te hi Indian Penal Code hnuaia thubuai ngaihtuah zat atanga chhuta thil sual ti tute thiam loh chan tir (convict) hnem ber an ni. Police Station zawng zawng thlunzawmtu tur CCTNS Networks chu peihfel mai hmabak ni tawhin Aizawl City Surveillance Project pawh hawn a nih hnuah tangkai taka hman mek a ni a, a thawh hnihna atan Aizawl khawpui chhunga kawng pengthuam pawimawh zawng zawng CCTV hmanga thlun zawm hna thawh mek a ni bawk. Police Station tinte hian CCTNS ah hriattur (data) pawimawh an thun reng a, he system hmang thiam tura train chhuak police 3,887kannei a ni. Mizoram Police Radio Organisation(MPRO)-ah Computerised Automated Synon Cipher System chu May 2016 atang khan hman tan niin Cipher Station panga- Aizawl, Lunglei, Kolasib, Mamit leh Champhaiah kan nei a. Rorelna dik a dinchan zel theih nan sawrkar chuan Forensic Science Laboratory thuamchakin Home Department hnuaiah Directorate puitlinga hlan kai a ni ta.
2. Economic Survey 2014-15 in a tarlan danin NLUP hian hmasawnna kawngah rah tha a la chhuah zel a. Ram mipui ei leh bar thawhchhuah kawngah pawh kum li chhung khan nasa takin a tanpui a ni. Economic Survey vek hian tlangram lo neih (jhum cultivation) chu za zelah sawmhnih pakhatin a tlahniam tih a tarlang a, hei pawh hi thui tak chu NLUP vang a ni. NLUP hmalakna, a bik takin a thawh thumna leh thawh lina tanpuina dawngtute tan, tha thlah hauh lovin kan kalpui mek zel a ni.
UN Joint Initiative Project hnuaia agency ten hna an thawk tan tawh a. United Nations Development Programme (UNDP) te nena thawhhona a zarah UNDP Consultant te leh Market Task Force te chuan zirchianna an neih hnuin Mizoram nena inhmeh ber tur, khawvel ram dangte chin dan tha an lawr khawm a, thar chhuah zawrh dan tur ruahmanna thar an duang chhuak a ni. Food and Agriculture Organization (FAO) pawhin tlang pangpera buh leh thlai chin dan MiSALT (Mizoram Sloping Agricultural Land Technology) hmanga zir bingna neiin chin dan thar tha zawk an hmuhchhuah beisei a ni. United Nations Industrial Development Organization (UNIDO) chuan mau hmanga industry din ti lar tur ruahmanna an duang a, South Asia Bamboo Foundation (SABF) pawhin Agarbati Park dinna tur project an siam bawk. International Labour Organization (ILO) chuan Mizorama a vawikhatna atan skill gap assessment an nei a; hnathawk tura thiamna bik neih tulna leh hnathawh tur vanna chhan an zirchiang a ni.
NLUP Implementing Board chuan thar chhuah deh ralna tur market a ngaihtuah a, a bik takin sawhthing leh aieng thawnchhuah dan tur Pack House Project chu Agricultural and Processed Food Products Export Development Authority (APEDA) remtihna in a duang a. Hralh atan aieng leh sawhthing tam tak thawn chhuah tum a ni.
University of Minnesota tanpuina in NLUP Implementing Board chuan Mizoram University nena thawk hovin Mizorama Pa (mushroom) zirbingna an nei mek a. Kum 2017 kum bul lamah chuan Pa ei mi leh ei atana hlauhawm thliar hran hna chu peihfel a nih kan beisei. Mipui ten awlsam takin Pa tur nei leh neilo te an thliar hrang thei tawh ang a, Pa eisual vanga nunna hlu tak chan tawh lovin keimahnikaninveng thei tawh dawn a ni.
3. Mizoram sawrkar hmalakna pui ber NLUP hlamchhiah lovin state sawrkar chuan hmasawnna tluantling leh huapzo ruahmanna thar ‘New Economic Development Policy (NEDP) - Comprehensive Growth Strategy for Mizoram’ a duang a. Fourteenth Finance Commission in kal phung a her danglam tak thlir chunga Act East Policy leh ram sumpai dinhmun than zel dan mila duan a ni. He policy hi thar chhuah tih pun, mipui tana remchang siamsak, mipui sum dinhmunsiamthat, sumdawnna boruak thasiamleh mipuiin an chanpual dik tak an chan ngei theih nana ruahmanna niinkanram hi hmasawnna kawngah chak leh zual zawka ke pen tir a tum a ni.
Mipui sawrkar hnuaia sumpai din hmun leh khawtlang nun siamtha tura hmasawnna huapzokanneih thuai theihna tur kalphung thar he policy hian a chhawpchhuak a ni.
Kumin sawrkar kum chhung hian NEDP hnuaia Annual Action Plan 2016-2017 chu kalpui tan tum niin sum cheng nuai 25000 dah a ni a. Kawng hrang hranga hmasawnna khalh kaltu nia ngaih ruahmanna te bitumin, hmasawnna ruhrel dinsa te a hmang tangkai ang a, NLUP tiphuisui tura NEDP nena suihzawm bakah a bika duan project hrang hrang - Chief Minister’s Rural Housing Scheme, Improvement of Referral Hospital Falkawn, Aizawl City Road Junctions Improvement Project leh New Secretariat Complex Development te thawh tum a ni.
Kum 2016-2017 chhunga hnathawh tum zingah mipui sum enkawl dan phung siam that, skill development policy rintlak siam, sik leh sa inthlak danglam ven leh a mila khawsak dan ruahman, sawrkar inchhiarna statistics leh hriattur pawimawh data vawnthat dan phung bakah sawrkar inrelbawl dan siam that te a tel a. Mizoram Chief Secretary kaihhruaina hnuaiah Administrative Reforms Committee din niin thla thum chhungin report an thehlut dawn a ni.
4. Agriculture leh a kaihhnawihte hi ram sum leh pai dinhmun innghahna a nihzia sawrkar chuan a hria a. Loneitute hamthatna ngaihtuah hi a ngaih pawimawh berte zingah a tel a ni. Kum 2014-15 ah buhfai 60,647 MTkanthar laiin kum 2015-16 ah chuan 62,089 MTkanthar a, za zelah 2.29 in a pung a ni. Oil palm chinna hmun pawh a zau zel a, kum 2014-2015 chhung khan hectare 20,377 a zauah an chin laiin kum 2015-16 ah chuan 14.63% a thangin hectare 23,358 a zauah an ching tawh a ni. Kum 2015-16 chhung khan Custom Hiring Centre 10 din a ni a, a awm sa nen chuan Centre 57kannei ta. Sawrkar laipui Agriculture and Farmers Welfare Minister Pu Radha Mohan Singh chuan June ni 18, 2016 khan Selesih College of Veterinary Sciences huam chhungah Thenzawla Horticulture College lungphum a phum a. Zirlai sawmhnih (20) nen kumin hian bul an tan theih beisei a ni.
Porcine Reproductive and Respiratory Syndrome (PRRS) hiankanvawkvulhtute tan harsatna asiamhnem ta hle a, sum tam tak an hloh phah tih hriainkanvei hle a ni. Rang taka PRRS leh ran natna hlauhawm dang hmuchhuaka a tihdam dan ngaihtuah leh a darh zel lohna tura khung hran (quarantine)-na hmun tur Epidemiological Centre chu cheng nuai 321.5 sengin Khatlaah sak mek a ni a, kum tharah zawh fel a ni ang. Mizoram mamawhna hre rengin Lungpuizawl, Lunglei aSchoolofVeterinary Scienceawm mek chu Integrated Veterinary and Animal Husbandary Training Institute-ah hlankai a ni.
North Eastern Region Textile Promotion Scheme (NERTPS) hnuaiah project pahnih - Integrated Sericulture Development Project leh Intensive Bivoltine Sericulture Development kalpui niin Muga Silk Development Project pawh kumin sawrkar kum chhung hian kalpui a ni ang. Fish culture hmanga sum thawk chhuak chhungkaw 13,540 an awm a. Leileta sangha khawi, Paddy-cum-fish culture hna pawh Champhai leh Serchhip District ah te kalpui a ni.
5. Sawrkar chuan inkalpawhna kawng siamthat, kawlphetha semdarhna tihpun leh siamthat, kawlphethasiamchhuah dan ngaihtuah leh tui in tur thianghlim sem chu ram hmasawnna ki pawimawh tak a ni tih a hria a.
Broad Gauge Railway Map ah Mizoram chu tarlan a lo ni ve ta a. Broad Gauge Goods Train chu Bairabi Railway Station-ah March 21, 2016 atang khan a lo lut a, Broad Gauge Passenger Train pawh May 27, 2016 khan Prime Minister zahawm tak Pu Narendra Modi chuan video conference kaltlangin a vailiam a ni. Sairanga lo lut tur rail kawngsiamhna pawh kum 2019-ah chuan zawh hman beisei a ni. Kawng thar 79, kilometre 1885 a thui, a hlutna pawh cheng vaibelchhe 3603.43 zet hmun hrang hrangah siam mek a ni a, kan kawng neihsa te thawm that zel niin cheng vaibelchhe 257.84 senna tur building thar 63 sak hna thawh mek a ni a. World Bank sum hmangin Mizoram State Roads-II Regional Transport Connectivity Project leh Asian Development Bank tanpuina in Serchhip-Buarpui Road sial hna thawh mek a nih bakah Kaladan Multi Modal Transit Transport Project (KMMTTP) kalpui mek a ni bawk.
60 MW Tuirial Hydro Electric Project pawh peihfel tep tawh niin hnathawk thei tura hawn thuai a ni ang. 210MW pechhuak thei tur Tuivai Hydro Electric Project pawh bul tan thuai a nih theih nan chak taka bawhzui a ni a. 5MW Tlawva Small Hydel Project leh 3.5 MW Kawlbem Small Hydel Project pawh kum tharah hawn tum a ni. Kum 2015-16 chhungin kawlphetha semchhuahnakanhmanlai mek siamthatna leh tihpunna tur hna panga thawh zawh tawh a ni a, state chhung hmun hrang hrangah hetiang hna hi 13 thawh mek awmin 2016-17 a zawh fel tum a ni. Rural Electricity Distribution Backbone (REDB) hnuaiah Kolasib, Bairabi, Vairengte, Thingsulthliah, Mamit, West Phaileng, Zamuang, Champhai, East Lungdar, Tlabung, Hnahthial leh Tuipang V ah te kawlphetha semchhuahna hmun an neih mek belhchhahin Rabung, Chekawn, Tawipui North, Mualthuam North, Bualpui NG leh Phura ah te cheng vaibelche 73.37 senna tur kawlphetha semchhuahna siam thar mek a ni a, July 2017 ah peihfel theih beisei a ni. Mizoram chhunga 132 kV Sub-stations te chu siamthaa tichangtlung lehzual turin sawrkar laipuia Ministry of Power chuan cheng vaibelchhe 26.84 hman a remti a. Integrated Power Development Scheme (IDPS) kalpuina tur cheng vaibelchhe 49.16 chu Vairengte, Kawnpui, Khawhai, Thenzawl, Mamit leh Hnahthial khua te tan Ministry chuan March 2016 khan phalna a pe a. Deendayal Upadhayaya Gram Jyoti Yojana (DDUGJY) kaltlangin Rural Electrification Corporation (REC) hnuaiah thingtlang khaw eng pek hna hrang hrang thawhna turin cheng vaibelchhe 30.43 hman a remti a, hei hian BPL chhungkaw 933 te eng pekna tur a keng tel a ni.
Public Health Engineering Department chuan kum 2015-16 chhungin khaw 31 ah tui thianghlim in tur pek a tum a, an zinga khaw 28 a tuam tawh a. NLCPR leh NEC sum hmangin Lawngtlai, Saitual, Hnahthial, Tuipang, Bilkhawthlir, West Phaileng, Bairabi, South Khawbung, Sairang, Aibawk, Sangau, Phuaibuang, Bualpui NG, Lengpui, Darlawn leh Vairengte ah te tui pekna tur Water Supply Scheme a siam mek a, hawn mai hmabak engemawzat a awm. NABARD sum hmangin Kelkang, Lamchhip, Khawruhlian, Serchhip leh Ngopa khuaahte Water Supply Scheme kalpui mek a ni a, Buangpui khuaah nizung chakna hmanga tui lakna Solar Water Pumping Stationsiama ni bawk. Swaach Bharat Mission (Gramin) hnuaiah kum 2016-17 chhungin Aizawl, Champhai, Kolasib, Saiha leh Serchhip District te hi Open Defecation Free (ODF), ek in neih vekna District ah puan theih beisei a ni.
6. State hmasawnna hi zirna nen a inthlunzawm tlat a. Chuvangin sawrkar chuan a ngai pawimawh a, zirna tihhmasawn hi sawrkarin hlenchhuah ngei tuma a intiamkamna zinga pakhat a ni. High School zirtirtu leh Middle School zirtirtu lak dan Recruitment Rules siamthat a ni a, zirtirtu post awm zawng zawng atanga chhutin za a 30 chu Science tan, za a 33.5 chu Mathematics subject a thiamna nei te tan a dah hrang a. Elementary school tih hmasawn nan Government Primary School pakua leh Government Middle School pakhat chu Model school a chei turin an thlang chhuak a. Naupang school la kai ruallo te tan Early Childhood Care and Education (ECCE) chu Primary School 66 ah tan a ni a. Sum dehchhuah leh enkawl lam thiamna an neih theih nan High School 59 (government leh non-government) leh Middle School 61 (government leh non-government) -ah Financial Education an curriculum-ah telh belh a ni.
School Education Department chuan Tata Institute of Social Sciences (TISS) nena tangkawpin Connected Learning Initiative (CLIx) chu Mizoram chhung High School 200-ah kalpui tan a tum a. Mizoram hi Tata Institute of Social Sciences, Massachusetts Institute of Technology (MIT),USA leh Tata Trust nena thawhona siam thei tur India ram state pali zinga pakhat a ni. CLIx in a tum ber chu High School zirlaiten zirna chhunzawmna leh eizawnna tha zawk an neih theih nana chher a ni a. SSA-Tata Grassroots Football Development Programme chu June 23, 2016 ah bul tanin zirlai 3000 vel an buaipui mek a. Football thiam tir ringawt piah lamah rilru leh taksa hrisel an neih theih nan a tanpui theih beisei a ni.
Siaha, Lawngtlai, Champhai, Kolasib, Serchhip leh Mamit DIET-ah te kumin atang hian 2 years Diploma in Elementary Education (D.EI.Ed.) chu zirlai 50 theuhvin an zir tan ang a. Eastern Regional Committee (ERC), National Council for Teacher Education (NCTE) pawmpuina pawh tunhnai lawk khan an dawng a ni.
Rashtriya Ucchatar Shiksha Abhiyaan (RUSA) hnuaiah college 21 tih changtlun mek a ni a.PukpuiahMizoramEngineeringCollegetur May thla atang khan sak tan a ni a, cheng nuai 2,600 senna tura ruahman a ni. Mizoram state hi RUSA kalpui tha ber te zingah telin hmarchhak state zingah phei chuan thawk tha leh entawntlak bera ngaih a ni.
7. Mizoram sawrkar chuan Health Care System leh damdawi in tih len, tih changtlung leh mipui ban phaka chhawpchhuah a ngai pawimawh hle a.State Referral Hospital, Falkawn chei that hna thawkin Mizoram Institute of Medical Education & Research (MIMER) din nan a buatsaih mek a ni.
Lirthei ke pahnih nei (2 wheeler) ambulance chu Aizawl ah hman tan niin hei hi damdawi enkawlna mamawhtuten a rang thei ang bera damdawi in an thlen theih nan ruahman a ni a. Mobile Medical Unit thuamtha in damdawi lama thiamna nei ten District tina khaw kilkhawr deuh thlengin an fang chhuak fova. AYUSH pawh thingtlang khaw hrang hrangah a lut tawh a. Thenzawlah khum 50 awmnaIntegratedAYUSHHospitalsak niin hawn thuai a ni ang. Rashtriya Bal Swasthya Karyakaram (RBSK) hnuaiah RBSK Mobile Health Team 29 leh District Early Intervention Center (DEIC) pahnih ten school hrang hrangah health camp an buatsaih thin. Naupang hmaih neih hauhloh tumin Mission Indradhanush leh programme dangte kaltlangin hri danna pek an ni a. District hrang hranga damdawi in tihchangtlunna tur project siam a ni a. Mizoram Health Care Scheme leh Rashtriya Swasthaya Bima Yojana (RSBY) te chu BPL chhungkua te leh sawrkar hnathawk ve lo chhungkuate tan a tangkai hle a ni.ChamphaiDistrictHospitalchei that hna thawh zawh a ni a,SiahaDistrictHospitalcheithat hna thawh mek niin khum 50 awmnaLawngtlaiHospitalchei that hna pawh thawh thuai a ni ang. Khum 200 awm theihna Mizoram College of Nursing Hostel pawh Falkawnah peihfel tep a ni tawh.
8. Sawrkar chuan thingtlanga chengte tel lovin state in hma a sawn thei lo tih a hria a. Ei leh bar zawng tura khawpuia pem luh ngai lovin mahni khuaah theuh eizawnna ngelnghet siamsak a tum a. Thingtlang khua tihhmasawnna tur ruahmanna leh hmalakna reng reng hi rawngbawlna thinlung pua kan thawh a ngai a ni. Integrated Watershed Management Projects (IWMP) sawmriat pakua (89) thawh mek niin khaw 300 an tuam tawh a, Self Help Group (SHG) pawh 1,108 din a ni tawh. Mahatma Gandhi National Rural Employment Guarantee Scheme (MGNREGS) chuan thingtlang mipui inhlawhna tha tak siamsakin April ni 1, 2016 atang khan an ni khat hlawh chu cheng 183 atangin cheng 188-ah tihpun a ni. Indira Awas Yojana (IAY) hmangin kumin sawrkar kum chhung hian thingtlang khuaah In 391 sak a ni tawh bawk.
Mipuite tan eizawnna ngelnghet siamsak tumin Mizoram State Rural Livelihoods Mission (MzSLRM) chuan Kolasib leh Serchhip District ah hma an la mek a. Kum 2016-17 chhung hian MzSLRM chu Khawbung leh Champhai District chhunga block thenkhatah te, Mamit District huam chhunga West Phaileng leh Zawlnuam block, Siaha District-ah Tuipang Block, Lawngtlai District chhunga Sangau block-ah te bul tan a ni dawn a ni.
Ramri hrula khaw awmte hmasawn nan Border Area Development Programme (BADP) hmanga hna thawh chhunzawm zel a ni.
9. Mizoramah hian khawpuiah mipui tam zawk an chen avangin khawpui hmasawnna ngaihtuah a tul hle a. State hmasawnnaturinkhawpui hmasawnna ngaihtuah tel a tul tih sawrkar chuan a hmuh hmaih lo. Khawpui inrelbawlna sawrkar siam te, hmasawnna ruhrel dinte, kalphung tur mumal duan te, khawpui vawn thianghlim te, mipui leh lirthei vahvelna thawl zawk siam te leh khawpuia mi retheite dawmkan hna te sawrkar chuan a thawk a. Khawpui vawn thianghlimna beihpui thlak mek avang hian reiloteah Mizoram chhunga khawpuite hi India rama fai ber an la ni thuai dawn niin a lang. Kum 2019-ah chuan kan khawpuite bakah thingtlang khua zawng zawng leh mihring chenna tawh phawt chu India rama fai ber nih tir kan tum a ni. Chumi rual chuan khawpui hmasawn leh thang duang ber nihkantum a. Khawpui inrelbawlna pawh tichangtlungin Aizawl Municipal Council chu October, 2015 atang khan Municipal Corporation ah hlan kai a ni.
Asian Development Bank (ADB) tanpuina in North Eastern Region Capital Cities Development Investment Programme (NERCCDIP) hmangin Aizawl khawpui chhungah hnuamhnawk leh bawlhhlawh paih bakah tui sem kawngah hma kan la mek a. Zawhfel a nih hunah chuan Aizawl khawpui hian khailak hauh lovin nitin tui an dawng tawh dawn a ni. Aizawl chhak lama chengte tan bawlhhlawh luan khawmna mumalkansiammek a, science thiamna hmanga bawlhhlawh paih dan tha zawk leh ek paihna tha zawk Aizawl khawpuiahsiamtumin hma lak mek a ni bawk.
10. National Afforestation Programme (NAP), Intensification of Forest Management (IFM), National Agro-forestry and Bamboo Mission (NABM) leh Green Mizoram Programme te kaltlangin thing leh mau kan phun a. Forest Survey of India in a tihchhuah ‘Indian State of Forest Report 2015’ in a tarlan danin Mizoram zau zawng teha za a 91.47 hi thingkungin a khuh a. Thingphun programme hrang hrang kan neih hlawhtlinna a lo lang kan ti lo theilo. Village Forest Development Committee te hmalakna in kum 2015-2016 chhung khan hectare 3135 a zau ah thingphun belh a ni a. Sik leh sa inthlak danglam nasa tak ti ziaawm tur leh a mila khawsak phung inher rem thiam turin fing taka ruahmanna siam a tul a, State Action Plan on Climate Change chu Mizoram tan duan a ni tawh a, Green Climate Fund leh Global Environment Facility (GEF) atanga hmalak mek a ni.
11. Kan nghahhlelh em em National Food Security Act, 2013 pawh March 2016 atang khan Mizoramah hman tan a lo ni ta a. He Act chhawrtu chhungkua 1,40,017 atangin mimal 6,67,482 an awm a. NFSA chhawr ve lo Non-NFSA Ration Card 1,20,979 a awm bawk. End to End Computerization of Targeted Public Distribution System (TPDS) hmangin Ration Card computerize vek a ni tawh a. Cheng nuai 9600 sengin Department kudam 17 sak mek a ni a, NABARD sum hmangin cheng vaibelchhe 32.68 senna tur kudam 27 dang pawh sak mek a ni bawk. Heng kudam te hi sak zawh a nih hun chuan buhfai metric ton 8,000 zet dah khawl theih a ni ang.
12. Sawrkar chuan hmeithai te, tar te, rualbanlo te leh mi retheite hamthatna tur a ngaihtuah a. Hmeichhia leh naupangte hmasawnna tura hma la in, khawsak harsa leh chhuanchhamte chhawmdawlna a pe a. Drugs addict, zu ngawlvei, hmeichhia leh naupanga sumdawngte, tleirawl awm tha duhlo, anmahni tan chauh ni lova khawtlang tana harsatnasiamthinte enkawl hna a thawk a. Hmeichhiate dikna humhalh tur leh harsatna an tawha tanpuitu tur Universal Women Helpline (181) leh One Stop Centre (OSC) Aizawlah dah a ni a. District Headquarters tinah dah tum a ni bawk.SerchhipaEklavyaModelResidentialSchoolchuan kumin atangin class an nei tan a. Siaha, Lawngtlai, Chawngte leh Ngopa ah hawn phalna neih a ni tawh bawk.
13. Chhiatrupna lo thleng thei laka inven leh hmachhawn dan tur ngaihtuahin Disaster Management & Rehabilitation Department chuan hma a la a. Khuarel chhiatna lo thlen thulha inbuatsaih dan tur mipui zirtir kawngah leh chhiatna thlen hnua hma lak dan tur, chhanchhuahna hnathawh dan tur leh chhawmdawlna pek dan turte a ngaihtuah a ni. MAP leh IR battallion 7-ah State disaster Response Force (SDRF) dinin an zinga sipai 747 te chuan Basic Disaster Management Course an zo tawh a. Aizawl, Lunglei, Champhai, Mamit leh Serchhipah Mega Mock Drill vawi engemawzat nei tawhin Siaha leh Lawngtlai District te tan Hazard Risk Vulnerability Analysis (HRVA) map siam a ni.
14. Infiamna ruhrel thar tam tak dinin Aizawl khawpui chhunga Republic Vengah Taekwondo Hall, Saron Vengah Indoor Stadium, ITI Vengah Aquatic Complex; Lunglei khawpui chhungah Sazaikawn Indoor Hall, Zobawkah State Sports Academy, Chanmari ah Indoor Stadium, Lunglei Sports Infrastructure Development bakah Mizoram hmar lamte chhawr theih tur Darlawn khuaah Multipurpose Sports Centre siam mek a ni a. NEC chuan Aizawl West Joint YMA Field a Multipurpose Sports Complex sakna tur project a pawm tawh a. He Complex sakna tur hian sum cheng nuai 1016.88 ruahman niin bul tan thuai tum a ni. Mizo hmeichhiate zinga a hmasa ber niin Lalrintluangi, NCC Cadet, I Mizo Bn. chuan May 21, 2016 khan khawvel tlang sang ber Mt. Everest a lawn chhuak ta hi kan lawmpuiin kan chhuang tak zet a ni.
15. Mizo hnam incheina humhalh nan Puanchei, Puandum, Ngotekherh leh Mizo puan chi hrang hrang te dan anga neitu nihna (geographical indication/patening) neih tuma hmalak mek a ni a. Lehkha pawimawh nuai khat chuang zet chu Mizoram State Archives chuan computer ah an thun fel tawh a ni. Lemchan (theatrical arts) lama hmasawn nan Tagore Cultural Complex chu Berawtlangah cheng nuai 4475 sengin sak a ni dawn a. Cultural Heritage Centre, Lunglei pawh hawn a ni tawh.
Tourism hmasawnna turin project lian tak, Thenzawl, South Zote leh Reiek huam tur ‘Integrated Development of new Eco-Tourism’ chu June thla khan Thenzawlah a lungphum kan phum tawh a. Cheng vaibelchhe 94.90 senna tur project hi khuanu duansa hmun mawi tak tak te khawih danglam lova, nature nena inhne reng adventure facilites te siamin, 18 hole golf course siam tum a ni. He project lian tham tak hmang hian Mizoram chuan tourism-ah bung thar kaikantum a ni.
16. Industry a than tumin hma kan la a. Bamboo Development, Electronic leh IT Sector, Handloom, Handicraft leh Skill Development lamah in sawr bingin kan thalai hna nei lo tam takte hna siamsak kan tum a ni.
17. Themthiamna skill development hi tunlai khawvela ngaihven hlawh, sawrkarin a ngaihthah theih hauhloh a ni a. A hlawkna telturinkalphung mumal duanga beih tak tak a tul tih hriain kanthalaite mamawh phuhruturinNational Skill Qualification Framework (NSQF) zulzuiin huapzo Skill Development Policy duan mek a ni.
Mizoram Youth Commission (MYC) chuan UPSC leh SSC Exam turte tan state pawna institution tha te nen thawk hovin Coaching Class a buatsaih a. Ministry of Development of North Eastern Region chuan Skill Development & Capacity Building atan cheng vaibelchhe 2.51 a pe a. Zirlai 1400 train chhuah tumin Aviation, Hospitality, Travel & Tourism, Retail Services leh IT kaihnawih hnaw thawk thei turin kumin sawrkar kum chhung hian training bul an tan ta a. MYC chuan Mizoram leh hmar chhak state dangte atanga kalkhawm zirlai batch hmasa ber training an neih tir mek a ni.
18. Sawrkar tha leh langtlang siam turin Information Technology hmangin hma kan la a. ICT Department chuan sawrkar office kal chilh ngai lovin mahni khua leh veng atanga internet leh mobile kaltlanga sawrkar an dawr theihna tur a siam a. Department hrang hrang sawmpakua (19)-ah online leh mobile service hmanga mipui nena indawrna leh mipuite tangkaipui theih tur service chi hrang sawmnga pathum (53) pek chhuah tum niin hman theih thuai beisei a ni.
19. Tlabungah Trade Facilitation Centrekansa zo tawh a. Lawngtlaiah sak mek a ni bawk. Heng Centre pahnihte hiIndialehkanthenawm ramBangladeshlehMyanmarnena insumdawn tawnna tha zawkkanneih theih nana kawng hawngtu a nihkanbeisei.
Heng bakah hian kum kalta chhungakansawrkar hmalakna, hmachhawp leh hlawhtlinna dang tam tak sawi tur a la awm a, tun tumah hiankansawi vek seng lo vang.Kansawi lan loh hmachhawp dangte pawhkanngaithah lova, hlenchhuah vekkantum a ni. Vawiinah hian sawrkar hnathawk zawng zawng te leh sawrkar inrelbawlnaa tel ve apiangte ka chah duh chu, hawh u, theihtawp chhuahin tang tlang ila,kanawmna hmun apiang hikanrawngbawlna a ni tih hriain,kanram leh hnamin hmasawnna kawng chak taka a zawh zel theih nan i bei ang u.
Sawrkarin ram leh mipuite tana a thil tum hlen chhuak tura tiam chin lam a pan mekna kalkawnga min tanpuitu Mizoram sawrkara hnathawktute leh thuthar thehdarhtute, kohhranho te leh tlawmngai pawlte, Mizoram mipui zawng zawng hnenah lawmthu ka sawi a. Kum lokal zel turah pawh hei aia nasaa sawrkar in thlawp leh in tanpui ka beisei a ni.
Vawiina parade contingent leh zirlai kalkhawmte, he ni ropui tak lawm tura pungkhawm zawng zawngte hnenah lawmthu ka sawi a. He ramah hian mipui sawrkar hlutna leh ropuizia tarlana a awm chhunzawm zel theihnaturinkanthiamna leh theihna i hlan thar theuh ang u.
Ka lawm e
JAI HIND
