3345/2022-2023

Aizawl 24th January 2023: Vawiin khan Sports Minister Pu Robert Romawia Royte leh Bialtu MLA Pu Zothantluanga te chuan Phunchawng Field laih thar tur leh Sairang Field thar laih turte an tlawh.

Phunchawng leh Sairang Field te hi mi thahnemngaite sum thawhkhawm leh CSR sum hmanga thawh tum a ni a. He ruahmanna hi Sports Minister Pu Robert Romawia Royte duanchhuah niin Operation Mualzavata tia koh a ni a. Tunah hian Operation Mualzavata project hmang tho hian Keitum Field siam hna thawh mek a ni. Minister Pu Robert Romawia Royte chuan Sairang Field thar bula Burma Raltlan chhungkaw 5 te tlawhin tanpuina pawisa a pe.

Pu Zothantluanga pawhin a bial West-I chhunga khua pahnih Phunchawng leh Sairang ten Sport Minister hmalaknaa Field thar thalai infiam mite nghahhlelh em em leh chhenfakawm tak an nei tur chu a lawmthu a sawi bawk.

Sairang VCP Pu Laldingliana chuan infiamna tur field tha an dil thin thu sawiin, tuna field thar tha nei tura Sports Minister leh an bialtu MLA zara field thar an nei tur an lawm thu a sawi bawk a ni.