State Level Organising Committee for Implementation of State games chu October Ni 16 khan Secretariat Conference Hall-ah neih ani a, he meeting hi Secretary, Sports and youth Services Department chuan a kaihruai a, he meeting-ah hian Sports Department hotute, Members te leh Sports Association hotute an kal a ni. Thu rel tlangpui chu hetiang hi ani:-

Sports Discipline-ah te hian inelna neih ani ang- Archery, Arm Wrestling, Aquatics, Athletics, Badminton, Basketball, Body Building, Boxing, Carrom, Chess, Cricket, Fencing, Football, Hockey, Indigenous Games- Insuknawr,   Insaihruipawh, Inkawibah, Mizo Sairawkherh perh, Khanchhuk invuakthlak,   Insukherh; Judo, Karate, Kick Boxing, Motor Sports, Muaythai, Power Lifting, Sepaktakraw, Shooting, Snooker & Billiards, Table Tennis, Tennis, Tug of War, Taekwondo, Volleyball, Weightlifting, Wrestling, Mizo Inchai, Wushu. Discipline hrang hrangte inelna hmun tur leh an Categories awm tur te rel fel a ni a. Medal awm zat tur te pawh he meeting-ah hian chhut a, pawm ani.

Apex Committee in thu a lo pass tawh angin MLA te chu an bial theuhah Committee chairman an ni a, MLA te hian an bial chhungah hma anlo la chu a lawmawm hle tih a ni a. He meetingah hian MLA ten an Constituency Chhung a Player Final List siama November Ni 22nd, 2019 aia tlai lo-ah Organising Secretary, State Games/Director, Sports and Youth Services Department-ah submit vek ni se tih a ni.

Logo neih ngei nise tih a ni a, Sample te pawh Department in a pholan angin en tlan ani a, Thutlukna siam ahar deuh avangin Sawrkar level ah thlan fel mai nise tih a ni.

Mikhual thlen chungchangah chuan TA/DA sawrkanin Player te apek vek dawn tho avangin Player ten mahni remchan dan anga Constituency Level Committee te nen inrawn tlang a ngaihtuah ni se tih a ni.

Tel tum te tan ahnuai ami ang hi hriata zawm turin rel ani bawk-
i)   An telna bial chhunga mi ngei an ni tur ani a, Voter ID/Aadhar Card an nei ngei tur ani.
ii) Sports Discipline hrang hrangah duh zat zat tel theih am anga, amaherawh chu inkhelna an nang hmanlo anih chuan tuman an     sawi buai thei lo ang.
iii) Mimal a Medal la hnem ber(Gold, Silver, Bronze) mipa leh hmeichhia  lawmman siam ani ang.
iv) Mizoram State Games ah hian kum bithliah a awmlo ang.
v)  National Federation Games Rules hman a ni ang.
vi) Opening Ceremony ah Air show neih tum a ni.