Mizoram Sorkar hnuaia Food.Civil Supplies & Consumer Affairs Department chuan Mizoram mipuite mamawh essential commodities’ hnianghnar taka kan neih theih nan chak takin hma a la reng a. Mizoramin eirawngbawlna LPG leh POL(Petrol leh Diesel) khamkhawp kan neih theih nan Food,Civil Supplies & Consumer Affairs Department changtu Minister zahawm tak Pu K.Lalrinliana chuan sorkar laipui (Central Govt.) a Petroleum & Natural Gas changtu, Pu Dharmendra Pradhan leh mi pawimawh dangte hmu in theih tawpa Mizoram harsatna sutkian pui Minister hi a lo tiam ani.

Hetih lai mek hian Kawnpui Khamrang inkar kawng chhiat lutuk avanga MTOA leh MTDA ten Dt 18.10.2019 atanga an motorte din tir an turn chungchang thu-ah mipuite chiai lo turin kan inngen a. Helai kawng pawh hi PWD hotute motor lian leh motor te tlan theih turin Dt 19.10.2019 hi chuan peih vek hman a ni dawn a,motor lian pawh an tlan chhunzawm thei thuai dawn a ni.

Nitin mamawh buhfai stock dinhmun a tha a, POL pawh tunah hian Petrol - 226222 Litres leh Diesel - 271197 Litres stock a awm a, free sale a pek chhuah reng a ni.

Chuvang chuan mipuite lo chiai lo tur leh heng POL leh LPG chheprelh emaw inchuh buai emaw lo turin kan inhriat tir a. LPG Trip 9 leh POL phur 5 te pawh zanin hian Khamrang atangin Aizawl a lo thlen belh theih beisei a ni. Lo thleng mai thei turabeisei a ni bawk a. Ni 2/1 chhungin heng harsatna te hi chinfel vek a nih sorkar chuan a beisei a ni.