Vawiin chawhnu khan Sports & Youth Services Secretary Pu Zothankhuma hovin a pisaah Mizoram State Sports Council hnuaia Sports discipline hrang hrang association-te’n Education Department nen tangkawpa Mizoram pum huap school level sports neih dan tur an rel.

Meeting-ah hian MSSC General Body meeting, kumin May 28 a neih tuma an thu passed leh Sports Minister Pu Zodintluanga kaihhruaina hnuaia Education Department-te nen thukhawma Mizoram pum huap school level sports lian tham taka neihho  chungchang an sawiho tuma an thu passed bawhzuiin Sports Association hrang hrangte hi an thukhawm a. Association tin aiawhte chu rawtna leh ruahman chhinna siama, chung an rawtnate chu kim chang taka MSSC a thehluh ni se, an ti a. Sports Minister kaihhruaia Sports & Youth Services Department, MSSC leh School Education Department-te’n hemi chungchang meeting an neih leh turah heng an rawtna te hi pharh a ni ang.

Vawiin meeting-ah hian MSSC hnuaia Sports Association 29 aiawhte an tel a ni.