Vawiin khan Aijal Club-ah Mizoram State Sports Council General Body Meeting neih a ni a, Sports and Youth Services Minister Pu Zodintluanga, President, MSSC nibawk chuan meeting hi kaihruaiin MSSC hruaitute an tel kim hle.

Mizoram State Sports Council a thawktute thawhhona a that avangin infiamna lamah Mizo te kan invawrh chho tha in thalai te infiamna lamah phur taka an zuanluh tawh thu Pu Zodintluanga chuan sawiin Association te an chak chuan pawlah hmasawnna a awm a, chutiang chuan pawl a chak phawt chuan infiamna lamah Zofaten hma kan sawn zel dawn a ni, a ti a. Tunah hian Sports lama pawl hrang hrang te thahnemngaihna leh mi thahnemngaite inpekna avang leh Sorkar pawhin tan a lak nasat avangin duhthusam la ni lo mah ila, hma lam kan pan zel a, kan pen zel dawn bawk a ni, a ti.

Vawiin meeting ah hian Pu C. Laltlanthanga, Secretary, MSSC hnen atangin vawiin ni thleng Activities Report kimchang ngaihthlak a nih hnu in Budget Review Committee thuchhuak ngaihthlak a ni bawk.

Pu Zodintluanga, President, MSSC kaihhruaina hnuaiah hian heng Agenda hrang hrang te hi sawiho nghal a ni 

1. Annual Programme of MSSC 2016 -2017

2. Renaming of Body Building Association.

3. Restructuring of MSSC Establishment.