Vawiin khan Sports Minister leh MSSC President ni bawk Pu Zodintluanga pisa-ah Mizoram State Sports Council (MSSC) Executive meeting neih a ni.

Meeting-ah hian Mizoram Indigenous Games Association in recognition an dil chungchang rel a ni a, dilna hi Executive meeting chuan a pawm a. Mizoram Basketball Association (MBBA) ten Hawla Indoor Basketball court leh hemi floor chin chunglama awm te (toilet thlengin) enkawl kawngah MBBA kuta dah pumhlum tura dilna an thlen pawh Executive Committee chuan a pawm a. Mizoram aiawh a kal Sports Association hrang hrang International/National Level Competition-a an inkhel lai video/photo MSSC hnenah Medal Felicitation Programme hma ngeia thehlut thin turin an rel a. Sports Association leh sports lamah hmasawn zel nan an chetvelna, sum hman dan, calendar leh an hlawhtlinnate  thlirletna hun nei thin tura rel a ni a. Heng bakah hian Tuikual Indoor Stadium leh Republic field chungchang sawiho a ni bawk.

Meeting-ah hian Sports Department hotute, Sports Association hrang hrang – Judo, Hockey, Fencing, Football, Basketball, Table Tennis, Archery aiawhte an tel a ni.