No.4377/2021-2022
Aizawl, the 23rd March 2022 : Nimin khan Sports & Youth Services leh Tourism changtu Minister Pu Robert Romawia Royte-in Chhinga Veng Branch MHIP Tour Thenzawl ah a telpui a.

Thenzawl Golf Course-ah inkhawm tawi Pi R.Vanlalruati, President, Chhinga Veng Branch MHIP-in a kaihhruai a, Tourism Minister Pu Robert Romawia Royte chuan hmeichhiate dinhmun pawimawhna sawiin, chawikan an tulzia te a sawi a. Hmeichhiate chu an pasal fanaute tan nu tha, chhungkuaa mawhphurhna tha taka hlenchhuah tum turin a fuih a ni.

North East Consultancy Services (NECS) bultumin Chhinga Veng Branch MHIP chuan Thenzawlah lehlangin Tour an nei a, he hunah hian member 250 vel an kal in Thenzawl Golf Course bakah Hmuifang Tourist Resort leh Dilpui Thenzawl te an tlawh a. Hetianga NECS ten sum tam tak senga tour an buatsaihsak hi Chhinga Veng Branch MHIP te chuan lawmawm an tih thu an sawi a ni.