3584/2023-2024

Aizawl, the 31st January 2024: Tukin zingkar zing khan Sport Minister Pu Lalnghinglova Hmar chuan Chite venga Sport Complex a tlawh a. Supply Minister Pu B.Lalchhanzova, bialtu MLA ni bawk in a tawiawm a. Minister te hi AMC Ward- VIII Corporator Nl. Christina Roluahpuii Sailo leh khawtlang hruaitute, Chite veng Primary school zirtirtute leh kohhran hruaituten an lo dawngsawng a.

He hunah hian Contractor-te nen hma lak mek leh hma lak zel dan turte an sawiho a ni.

Sports Complex a program hman zawh chiah hian Chite Veng Urban Primary School kalpui dan tur te enho nghal a ni.

Tuna Chite Veng Urban Primary School ten an luah mek building hi Vantlang ram a awm niin Health & Wellness Centre sakna tur hmun atana ruahman a nih tak avangin thiah a tul dawn a, a bul maiah hian school ram hmun awl a awmin school building thar sakna tur pawh PMJVK project hnuaiah dil a ni tih report pek a ni a. Hei vang hian School thar sak zawh hma chu School luh nan sport building hi hman lailawk a tul dawn a,  Sport Department Building, Chite Veng rama sak chu school atana luah hawh an mamawh thu Sport Minister hi an lo sawipui a. Hemi chungchangah hian Sport minister chuan dilna te thehluh a nih veleh  tih hlawhtlin dan kawng a lo zawnpui tur thu a sawi.