3196/2023-2024

Aizawl, the 29th December 2023 : Tukin khan Sports & Youth Services Minister Pu Lalnghinglova Hmar chuan Tuivamit leh Durtlang a Aizawl Smart City Limited sum hmanga Football Khelmual siam mek te a hmuna kalin hmalak mek dan te a en.

Sports Minister Pu Lalnghinglova Hmar chuan Tuivamit field duan 90 metres by 46 metres chu standard football ground size a phak lova mahse helai hmunin a zir avangin he field hi international standard 100 metres by 65 metres a siam nise tiin chutiang ang chuan hna hi thawh nise a ti. Durtlang Field chu standard international size tlinga duan a ni hi a lawmawm a, siamrem a ngai lova, he field hi Mizorama field rem pawl tak, international leh national tournament dawl thei niin a lang a, a ti a. He hmun hi Sawrkarin ro tling tura chei leh enkawl a duh thu a sawi lang bawk a. Amah tawiawmtu Durtlang khawtlang hruaitute chu hemi kawnga hmalakpui turin a sawm bawk a ni.

Sports Minister leh Durtlang North khawtlang hruaituten Mizoram State Sports Council hmalaknaa sak tur Durtlang North Multipurpose Sports Stadium hmunhma chu an en bawk a.

Minister hi Aizawl Smart City Limited CEO Pu CC Lalchhuangkima leh a thawhpuite, Mizoram State Sports Council Secretary Pu John Tanpuia, Mizoram Football Association hruaitute leh khawtlang hruaituten an tawiawm a ni.