Vawiin chawhnu dar 12:00 khan Thuamluaia mual Lunglei ah Lunglei District Village Council Team 82 te in el na 2nd HPC Cup 2012 kharna hun hman a ni a, he hun ah hian Sports Minister Pu Zodintluanga chu khuallian ni in, Pu Joseph Lalhimpuia, Vice Chairman, HPC chu khual zahawm a ni. Minister hi Parliamentary Secretary Pu S.Laldingliana’n tawiawm in Final match Theiriat VC Team leh Collage Veng VC team ten an khel hmain Sports Minister team Vrs LDSC Team ten Exhibition match hlimawm tak an khel hmasa a ni.

Sports Minister chuan VC team 82 laiin thlakhat chung teh meuh Tournament tluang tak an khel thei chu Organising Committee, infiam mite leh inkhel entu mipui te inpekna vang ani a ti. Chief Minister in kum 2011 a alo tiam tawh atak a alo awmta chu sawrkar in thalai te hmakhua a ngaih vang leh an rualawh na te a hriatsak vang a ni a ti a, Mizo Football thiam 400 aia tam mahin Mizoram pawn ah Football khelh hmangin ei an zawn mek thu a sawi a, hei hi thalai tepawn taimakna, insumtheina leh tumruhna in anti ve thei a ni a ti. India Football team ah Mizo senior player 2 kan nei mek a, hei ai a tam ram tan leh International Club tana khel thei turin tun lai thangthar te chu sawrkar leh mizo mipui ten an beisei thu a sawi a ni.

HPC Vice Chairman pawhin Thuamluaia muala phullem phah theih nan a hmalatu Chief Minister leh Sports Minister te thawhrimna leh inpek na a ropui thu a sawi a, he khelmual tha tak hi talent pho chhuah nan leh awmzenei leh tangkai tak a hmang turin District mipui leh thalai te a sawm a, Thalai te chu Zu leh ruihhlo laka fihlim turin a chah a, infiam mite tan phei chuan ruihhlo chu khawih chhinlo turin a chah a ni. Sawrkarin infiamna hmun tha tak tak a sual chhuak a, thalai te tan hlawhtlin tum chu chona awm chhun a nih mai tawh thu a sawi.

Vawiin Programme hi Dr.Andrew Vanlaldika, Working Chairman 2nd HPC CUP Organising Committee chuan kaihruaiin Organising Commt. Official te hnen a tangin Technical Report ngaihthlak na hun leh MFA hotu te hnen atang in thu sawi ngaih thlak na hun te hman a ni bawk.

HPC CUP 2012 hi Lunglei High Power Committee in Rs. nuai ruk (6 lakhs) seng in a huai hawt a ni. Pakhatna lawmman a tan cheng nuaikhat (1,00,000)leh Trophy, Pahnihna in Cheng singnga (50,000) leh Trophy, Pathum in cheng singhnih sang nga (25,000)leh Trophy leh Pali na tan cheng singkhat sanghnih zanga (12,500) leh Trophy te ruahman sak an ni.