No.1386/2021-2022

Aizawl, the 14th July 2021: Vawiin khan Pu Robert Romawia Royte chuan a Office chamber-ah Tokyo Olympic atana India Olympic Official T.Shirt a sem a. India Olympic Official T-shirt hi Sports Authority of India(SAI),Ministry of Youth Affairs & Sports chuan Mizoram Sports Department hnenah an rawn thawn a ni a. He hunah hian Sports Minister chuan Mizo Nula Lalremsiami leh India team te thlawp tlat turin mipuite a sawm a ni.

Olympic T-Shirt Mizoram chhunga tlangzarhna leh Semna Function tawite buatsaihah hian Sports Minister chuan Tokyo Olympics lo awm turah India in record siamin infiammi 126 zet a tir dawn tih a sawi a. Heng infiammi chhuanawm tak te zingah Mizoram atangalin Nula Lalremsiami a tel dawn a; kan chhuang hle a ni a ti.

Lalremsiami leh India Team te duhsakna sangber a hlan thu a sawi a.Sorkar laipui duh danin State tinah Olympic tihlarnan leh India Team supportna tihlannan Olympic Photo Booth siam a ni a. Mizoram State Sports Council pawhin hmun hrang hrangah photo booth leh Selfie point te a siam tih a sawi a.Sports Department chuan mipuite chu photo booth ah te thla laa Indian Olympic Team te thlawpna te Social Media ah te ti lang uar turin an sawm bawk a ni.

Heng official Olympic T.Shirts 90 te hi Union Sports Ministry rawn ruahman angin Chief Minister,Dy Chief Minister, Speaker, Dy Speaker, Minister te,Sports Department hotute, Olympian C.Lalremsanga leh Coaches te sem an ni dawn a ni.