Pu Robert Romawia Royte Minister, Sports & Youth Services etc chuan vawiin khan Lunglei khawpui leh a chhehvela Sports Department hmalakna hrang hrang leh hmalak zel dan turte a hmunah kalin a enfiah. Minister hian Zauva Memorial Tennis Centre sak mekte, Zobawk State Sports Academy te,Lunglei SAI Extension Centre te,Sazaikawn Multipurpose Hall te, DSYS Hostel leh Lena Stadium te a tlawh kual a ni.

Minister chuan Lunglei SAI Centre a sports thei bik naupang tam zawk enkawl an nih theihnan tan lak pui a tum thu sawiin Zobawka State Sport Academy sak mek pawh tih changtlun belh zel a tul thu a sawi. Lunglei District Sports Committee leh Lunglei District Football Association ngenna angin Lena Stadium a Football Ground dunglam tih zauh dan tur an enho bawk.

Pu Robert Romawia Royte hi Ni 27 May 2019 zanah Lunglei District Sports Committee hruaitute leh Sports discipline hrang hrang aiawhten an kawm bawk a, Mizoram Sorkarin Discipline zawng zawng huapa Mizoram State Games buatsaih a nih tur thu sawiin Mizoram chu India rama State fit ber, Mizo hnam chu India rama hnam fit ber ni turin tan kan la mek a ti. Minister hian Lunglei District Football Association in an buatsaih Season Ending Tournament Final Match chu Thuamluaia Mualah Khuallian niin a hmanpui bawk. Tourism Minister hian Lunglei Tourist Lodge siam that dan tur a en bawk.

Pu Robert Romawia, Sports Minister-in  Lunglei khawpui chhunga infiamna hmun hrang hrang a tlawhkualna-ah hian MLA leh HPC Vice Chairman ni bawk Pu Lawmawma Tochhawng, Officials-te leh Sports Association hruaituten an tawiawm a ni.

Attachment

  • Loading attachment...