Nimin khan Sports Minister Pu Robert Romawia Royte chuan Lungleia District Sports & Youth Office leh  Mizoram chhim lam district 5 enkawlna tur Lunglei NCC Mixed Battalion Office hmun tur a tlawh. 

Sports Minister chuan Mizoram chhim lama Sports Department-a thawkte leh Sports Associations hrang hrang te pawh Mizoram State Games atana tan la tan turin a hriattir a. Lunglei District Sports Committee Chairman Pu KT Nghawra chuan Sports Minister hmalaknaa District Budget 50% a pung thar chu a lawmawm an tih thu a sawi a, District Sports Office-a thawktute pawhin Minister-in Lunglei DSYO Office a tlawh chu an lawm takzet tih an sawi bawk a ni.

Heng hmun bakah hian Minister Pu Robert Romawia Royte chuan Thenzawla Tuirihiau leh Vantawng inkara Trekking Route siam tur leh Thenzawla Wellness Spa dinna tura hnathawh mek a tlawh nghal a. Zin mite leh mipuite hman theih tura peih thuai turin hnathawktute a chah a ni.