3016/2022-2023

Lunglei the 10th November 2022 - Sports & Youth Services Minister Pu Robert Romawia Royte chuan vawiin khan Lunglawn Field, Lungleiah Inter Branch YMA Volleyball Tournament a hmanpui.

Inter Branch YMA Volleyball Tournament ah hian mipa ah Thenhlum Branch YMA Champion in Electric Veng Branch YMA pahnihna an ni a, hmeichhia ah Serkawn Branch YMA te Champion in Electric Veng Branch YMA te pahnihna an ni.

He hun hmanpuitu Sports & Youth Services Minister Pu Robert Romawia Royte chuan thalaite hmakhua ngaia an tana tournament buatsaihtu YMA leh Lunglei District Volleyball Association te chungah lawmthu sawiin Champion team te leh tournament a tel zawng zawng players-te leh manager te duhsakna a hlan a. Lunglei District ah sports discipline hrang hrang - football, hockey, basketball, athletics etc hnuaiah hmasawnna ruhrel ruahman mek niin hun reiloteah Sports tournament lian tham buatsaih tum a nih thu a sawi a. Lunglei District atangin sports lama eizawnna kawnga thleng sang tak tak an awm chho zel chu lawmawm a tih thu leh sports infrastructure thar neih leh buatsaih belh mek te chu thalaite phur tharna leh chona thar siamtu a nih ngei a beisei thu a sawi a ni.

Attachment

  • Loading attachment...