1038/2022-2023
Aizawl, the 24th June 2022 : Sports & Youth Services changtu Minister Pu Robert Romawia Royte chuan nimin khan a pisaah Contact Sports hnuaia Sports discipline hrang hrang hruaitute leh infiammite a kawm a. An inkawmnaah hian Minister chuan combat sports a discipline hrang hrangte training-na leh competition Hall awm theihna Aizawl Contact Sports Centre din ngei Sawrkarin a tum tih sawiin Mizoram Sawrkar sum harsatna avangin Central Scheme emaw EAP emaw funding kan beisei a ti. District headquarters thenkhat leh thingtlang khaw 20 velah Infiamna Indoor Hall sak mek a ni a ti a. Combat Sports Association hruaitute pawhin thusawiin Hall thar tam tak sak mek leh sak zel tur avangin lawmthu an sawi a. Chutih mek laiin Aizawl khawpuia Combat Sports timite inhman tawm tur Centre tha an nghahhlelh thu an sawi a ni.

June ni 22 khan Mizoram Badminton Association Office Bearers te pawh’n Sports Minister hi an kawm a. Sports Minister hmalaknaa Tata Trust te nena thawhho dan turte, Aizawl Smart City hnuaia Badminton Hall lian sak tur leh Badminton players harsate tana Charity Fund project MBA-in kalpui a tum dante leh thil dang tam tak an sawiho a ni.