Zan khat riaka lo kal Sports Minister Pu Zodintluanga chuan tukin zing khan Champhai Stadium sak mek a tlawh.

Tukin zing dar 7 khan Pu Zodintluanga Sports Minister chuan Zotlanga Champhai Stadium sak mek chu a hmunah kalin hnathawh dan te a enfiah a, Pu Zodintluanga chuan hna chak taka thawh mek a ni chu lawmawm a tih thu a sawi a, Champhai Stadium chu Mipui nawlpuiina an hman theih tura siam a nih tur thu leh Khawvela Synthetic Track tha ber phah a nih tur thu a sawi a, Sports decipline hrang hrang khelh theih tur a siam a nih tur thu a sawi bawk. Sports Minister chuan Champhai thalaite tan hun tha a inherchhuak mek a, Champhai District chu District dang zawng zawng aia District vannei ber an ni a, an sawrkar chhungin India level pawha zahpuiawmloh Gym te, Tennis court, Boxing Hall leh Chhangphut Field-ah phhullem phah hna thawh a nih thu a sawi a, Thalaite tuihalna kan phuhruk sak a ngai a, an talent haichhuakin Khawvel hriatah kan phochhuak tur a ni a,Champhai chu Infrastructure nei lo chunga Mizoram leh india ramah pawh medal la thin an ni a, Kan sawrkar chak tak hnuaiah Infrastructure tha tak an nei tawh dawna hei hian an theihna leh thiamna te cho chhuak se a duh thu a sawi bawk. Hnathawktuten mipui thlawpna an hmu tha chu lawmawm a tih thu a sawi a, Khawtlang hruaitute'n ngaihtuah reng se, hnathawktuten an thawk tha em tih vil tel se la, a siam that theih lai a enkawl uluk turin a chah bawk.

Pu Laltlantluanga Mizoram Sports Council Secretary pawhin thusawiin Champhai chu Mizoram ti hmingthatu an nih thin thu sawiin duhsak an phu a, Eng decipline ah pawh mi huphurh an ni a, an chakna leh huaisenna te hmangthiama he Stadium atanga Mizoram ti hmingtha tu ni thei tura tan la turin a chah bawk a ni. Sport Minister hi Addl. DC Pu Zoensanga leh khawtlang hruaitu ten an tawiawm a ni. Vawiin khan Aizawl pan in a kir leh nghal a ni.