Vawiin tlai dar 4:00 khan Pu Zodintluanga, Minister UD& PA, PHE & SYS chuan Champhai Chhangphut Field a phul lem phah tur bul a rawn tan pui.

Minister Pu Zodintluanga chuan Champhai khua chu vannei a tih thu sawiin India ram huap pawh a zahpuiawm lo Multi-purpose Indoor stadium tha tak in nei tawh a, tunah hian Zotlang-ah Champhai Stadium tur sak tum mek a nih thu tarlangin khawchhak lamah tha a awm an lo tih thin angin tunah chuan in theihna zawng zawng nen sports lamah khawvela lang pha tura tang turin lo kakhawmte a chah a, tunah chuan chhuanlam tur a awm tawh dawn lo a, kan beiseina a sang hle a ni a ti.

Champhai CDFA hruaitute Pu Hualrikhuma leh Pu Lalnunmawia te pawhin thu sawiin Minister Pu Zodintluanga hmalakna a vanga Champhai in khelmual tha tak an nei tur chu lawmawm an tih thu sawiin Minister hnenah hian lawmthu an sawi bawk ani. Hun engemaw chen atanga phul lem phahna tura lo uluk taka lo buatsaih tawh Champhai Chhangphut field hi hun reilote ah hman theih beisei ani.

Pu Zodintluanga hian naktuk hian Champhai Stadium Zotlang-a sak tur leh hmun dang danga sawrkar hmalak mek te a tlawh leh ang a, chumi hnu-ah Champhai a chhuahsan in Aizawl a pan ang.