Vawiin chawhma dar 11 khan Sports Minister Pu Zodintluanga chuan cheng vaibelchhe 22 senga stadium sakna tur Venglai field, Kolasib chu a tlawh. Minister hi DC te, SP te, UD&PA Director Pu Zorammuana bakah Kolasib District Sports Committee hruaitute, NGO aiawh te, he stadium sak hna viltu tur NBCC aiawh leh CP&DS Associates, Consultancy Firm aiawh ten an tawiawm a ni.

Sports Minister chuan, "Tun maiah chuan thalaite infiamna tur artificial grass phah leh field kual chhuaka intlansiakna tur bakah official gallery tekanngai pawimawh hmasaber a. Hei bakah hian indoor stadium leh basketball ground te pawh din tum a ni" a ti. Pu Zodintluanga chuan stadium chu kawng engkimah international standard mil zela siam a nih tur thu a sawi bawk.

Stadium sak dan tur Detail Project Report (DPR) chu pawm vek tawh a ni nain, a aia huamzau zawka ennawn leh tur a ni a. A hmunhma hi Venglai YMA ten an samfai hnuah survey neih a ni ang a, chumi mil chuan DPR siamthat a ni ang. Heng zawng zawng buaipui fel tur hian thla 2 vel hun an mamawh tur thu consultancy firm aiawh chuan a sawi a ni.